2012-06-12
ရခိုင်ပြည်နယ်၊ စစ်တွေမြို့မှာ ဖြစ်ပွားနေတဲ့ အကြမ်းဖက်မှုတွေနဲ့ ပတ်သက်ပြီး အစိုးရရဲ့ လုပ်ဆောင်ချက်တွေမှာ အားနည်းမှုတွေ ရှိနေကြောင်း ရခိုင်တိုင်းရင်းသားများ တိုးတက်ရေးပါတီ RNDP က ဒီနေ့ ဝေဖန်ပြစ်တင်လိုက်ပါတယ်။၂၀၁၂ ခုနှစ် ဇွန်လ ၁၂ ရက်က စစ်တွေမြို့ရှိ ရပ်ကွက်များတွင် အပြန်အလှန် မီးရှို့မှုကြောင့် မီးလောင်ကျွမ်းနေစဉ်။
စစ်တွေမြို့မှာ ဒီကနေ့ အကြမ်းဖက်မှုတွေ ဆက်လက်ဖြစ်ပွားနေတဲ့အပြင် ထိခိုက်ဒဏ်ရာရတာတွေလည်း လျော့မသွားဘဲ တိုးပွားလာနေတာတွေကြောင့် နိုင်ငံတော်အစိုးရအနေနဲ့ ဒီ ပြဿနာရပ်တွေကို အင်အားသုံးဖြေရှင်းဖို့ လိုအပ်နေပြီလို့ RNDP ခေါင်းဆောင် ဒေါက်တာအေးမောင်က ပြောပါတယ်။
"စစ်တွေမှာတော့ လုံခြုံရေးနည်းနည်း ပိုလိုမယ်လို့ထင်တယ်။ ကျွန်တော်တို့ကလေ ရင်ဆိုင်ကြတဲ့အခါမှာ နှစ်ဘက်တော်တော်လေး အဆိုးတွေလုပ်ကြပါ တယ်။ နောက်ဒီထက်မက လုံခြုံမှုထိန်းသိမ်းရေးအဖွဲ့တွေက အင်အားသုံးဖို့လိုမယ်ထင်တယ်။ တချို့ကလည်း တားမနိုင်ဖြစ်နေတယ် ကြားပါတယ်။ အဲတော့ ကျွန်တော်တို့ကတော့ ၂၄ နာရီ မာရှယ်လော ထုတ်သင့်တဲ့သဘောတောင် ဖြစ်နေပြီလားလို့ သုံးသပ်ပါတယ်"
စစ်တွေမြို့က ရပ်ကွက်တွေမှာ ဒီကနေ့ အပြန်အလှန် မီးရှို့မှုကြောင့် နှစ်ဘက် ထိခိုက်ဒဏ်ရာရရှိသူများ ရှိတယ်လို့လည်း စစ်တွေမှာ ရောက်နေတဲ့ RFA သတင်းထောက်က ပြောပါတယ်။
No comments:
Post a Comment