Tuesday, June 12, 2012

ဒေသခံအာဏာပိုင်တွေရဲ့ စစ်ဆေးမေးမြန်းမှုတွေကြောင့် စစ်ကိုင်းတိုင်း၊ ကနီမြို့နယ်၊ ဘောက်အင်းတောင်တောကျေးရွာမှာ ရေအလှူသွားပေးသူတွေ စိတ်အနှောင့်အယှက်ဖြစ်ရ (ရုပ်သံ)

မြန်မာ့စီးပွားရေးဦးပိုင်လီမိတက်နဲ့ တရုတ်ဝမ်ပေါင်ကုမ္ပဏီ ကြေးနီစီမံကိန်းက သိမ်းယူထားတဲ့ လယ်မြေပြန်ရရေးအတွက် မုံရွာခရိုင် ဆားလင်းကြီးမြို့နယ်က လယ်သမားတွေ ဆန္ဒပြ (ရုပ်သံ)

သွေးကို သွေးနဲ့ ဆေးလို့ မရ၊ လူသတ်ဝါဒ ဆန့်ကျင်ကြ

(“ရွှေသမင် ဘယ်က ထွက်၊ သိန်းစိန်တာက ထွက်” ဆောင်းပါးရဲ့ အဆက်)
ဇော်ဝင်း (၈၈ ကျောင်းသားဟောင်း)

စစ်အစိုးရ၊ ကြံ့ဖွတ်အစိုးရဟာ လူမျိုးရေး အဓိကရုဏ်းတွေကို လှုံ့ဆော်ပေးနေတယ်။ သတင်းစာထဲမှာ “မွတ်ဆလင်ကုလားများက ရခိုင်အမျိုးသမီးအား ရည်ရွယ်ချက်ရှိရှိဖြင့် ရက်စက်ယုတ်မာ” ဆိုတဲ့ လူမျိုးရေး သွေးထိုးလှုံ့ဆော်တဲ့ စာသားကို ပြောင် ထည့်ရေးခဲ့တယ်။ သတိထား စဉ်းစားကြည့်ပါ။ သေသေချာချာ ဖတ်ကြည့်ပါ။ ဒီစကားဟာ ဘာရည်ရွယ်ချက်နဲ့ ရေးသလဲဆိုတာကို။ မတော်တဆ မှားပြီး ရေးတာ မဟုတ်ပါဘူး။ သတင်းစာတွေမှာရော၊ ရုပ်မြင်သံကြားတွေမှာရော ဒီအတိုင်း အားလုံးကြေညာ ရေးသားသွားတာပါ။ တခုတည်းမှာ ရေးရင်၊ ပြောရင် တယောက်ယောက်က မှားပြီး မတော်တဆ ရေးတယ်၊ ကြေညာတယ်လို့ ယူဆလို့ ရပါတယ်။ အားလုံးမှာ တခုတည်းသော၊ တထပ်တည်းသော စာသားနဲ့ ကြေညာသွားတယ်ဆိုတာကို ကြည့်ရင် အထက်လူကြီးဆီကနေ ဒီအတိုင်း ၏၊ သည် မရွေး ဖတ်ရမယ်၊ ရေးရမယ်ဆိုတဲ့ အမိန့်နဲ့လာတဲ့ သတင်းဖြစ်ကြောင်း ထင်ရှားပါတယ်။ သတင်းစာ၊ ရုပ်မြင်သံကြားဌာနတွေနဲ့ နီးစပ်သူတွေ ကောင်းကောင်းသိပါတယ်။ မနီးစပ်သူတွေလည်း ဆက်စပ် စဉ်းစားလို့ ရပါတယ်။

လူတွေက ဆန္ဒပြကြ၊ ဆူကြတော့မှ အမှားပြင်ဆင်ချက် ပြန်ထည့်ပါတယ်။ အမှားပြင်ဆင်ချက် ထည့်တာကလည်း ကုလားဆိုတဲ့ အသုံးကို ပြည်တွင်းနေ အစ္စလာမ်ဘာသာ ကိုးကွယ်သူဆိုပြီး ပြင်ပေးတာပါ။ တကယ်တမ်း စကားလုံးထက် အရေးပါတဲ့ အနှစ်သာရဖြစ်တဲ့ သွေးထိုးလှုံ့ဆော်တဲ့ အရေးအသားနဲ့ ပတ်သက်ပြီး ဘာမှ ပြင်ဆင်မပေးပါဘူး။ ဒါတွေ အားလုံးဟာ ကစားနေတာပါ။ ဟိုဘက်လှည့် မြှောက်ပေး၊ ဒီဘက်လှည့် မြှောက်ပေးလုပ်နေတာပါ။ တင်းလိုက် လျှော့လိုက်၊ ခြောက်လိုက် ချော့လိုက် လုပ်နေတာပါ။

“သမ္မတရုံးရဲ့ ညွှန်ကြားရေးမှူးချုပ် ဗိုလ်မှူးဇော်ဌေးဟာ ဖေ့စ်ဘုတ် (ဖဘ) မှာ မှူးဇော် ဆိုတဲ့ နာမည်နဲ့ အဓိကရုဏ်းတွေ ကြီးထွားလာအောင် မြှောက်ပေးနေပါတယ်။ ဖဘမှာရှိတဲ့ မွတ်ဆလင်ဆန့်ကျင်ရေး သွေးထိုးလှုံ့ဆော်မှုတွေကို ကြည့်လိုက်တိုင်းမှာ အရင်းအမြစ်ဟာ မှူးဇော်ဆီက လာတာက အများစုလိုလို ဖြစ်နေတာတွေ့ရပါတယ်။ သမ္မတရုံးရဲ့ ညွှန်ကြားရေးမှူး ဆိုတာဟာ ဒါမျိုးကို အထက်ညွှန်ကြားချက်မပါဘဲ ရေးလို့မရပါဘူး။ ဒါတွေဟာ အထက်ညွှန်ကြားချက်နဲ့ လုပ်နေတာပါ။ ပိုပြီး တိတိကျကျ ပြောရရင် သမ္မတဦးသိန်းစိန်ရဲ့ ညွှန်ကြားချက် ဒါမှမဟုတ် စစ်အာဏာရှင်ခေါင်းဆောင် ဦးသန်းရွှေရဲ့ ညွှန်ကြားချက် ဒါမှမဟုတ် ကာ/လုံအဖွဲ့ရဲ့ ညွှန်ကြားချက်နဲ့ လုပ်နေတာပါ။ သူ့ဖဘကို သွားကြည့်ကြပါ။”

စောစောက စာသားကို စဉ်းစားကြည့်ပါ။ မွတ်ဆလင်ကုလားများက ရခိုင်အမျိုးသမီးအား ရည်ရွယ်ချက်ရှိရှိဖြင့် ရက်စက်ယုတ်မာဆိုတဲ့ စကားကို တွေ့ရမြင်ရတော့ ဘယ်လိုခံစားကြရမလဲဆိုတာ။ ရခိုင်၊ မြန်မာ တိုင်းရင်းသားလူမျိုးပေါင်းစုံရဲ့ စိတ်ထဲမှာ မခံချင်စိတ်၊ နာကျည်းခံပြင်းစိတ်၊ ဒေါသစိတ်ဖြစ်ကြရမှာပါ။ ဒီလိုဖြစ်အောင် တမင်ဆွပေးတာပါ။ (ကျနော် မြန်မာလူမျိုးစစ်စစ်ပါ၊ ဘာသွေးမှ တစက်မှ မရောပါ) မိန်းကလေးတယောက်ကို ရက်ရက်စက်စက် ယုတ်ယုတ်မာမာ သတ်ဖြတ်တာမျိုးကို ဘယ်သူမှ မကြိုက်ပါဘူး။ လူမဆန်တဲ့ သိပ်မိုက်ရိုင်းတဲ့ လူသတ်မှုကြီးတခုကို ယဉ်ကျေးတဲ့လူ ဘယ်သူမဆို လက်မခံတာ သဘာဝကျပါတယ်။ ဒါပေမယ့် အစ္စလာမ်ဘာသာဝင်တွေဘက်ကရော ဘယ်လိုခံစားရမလဲ။ စဉ်းစားကြည့်ပါ။ မွတ်ဆလင်တွေ၊ ကုလားတွေဟာ ရည်ရွယ်ချက်ချက်ရှိရှိနဲ့ ရက်စက်ယုတ်မာတယ်လို့ သတင်းစာပါ စာသားက စွပ်စွဲထားတာ အထင်အရှားပါ။ ဝါးလုံးရှည်နဲ့ သိမ်းကျုံးပြီး မွတ်ဆလင်အားလုံး လူယုတ်မာ၊ မွတ်ဆလင်အားလုံး မုဒိမ်းကောင်ဖြစ်အောင် ပြောတာကို ဘယ်သူမှ ခံချင်ကြမှာ မဟုတ်ပါဘူး။ ဒီစာသားတွေဟာ လူမျိုးရေး အဓိကရုဏ်းတွေကို လှုံ့ဆော်ပေးတဲ့ စာသားတွေပါ။ ဒီစာသားတွေကို အစိုးရက ရေးတာဟာ လူမျိုးရေး သွေးထိုးလှုံ့ဆော်တာပါလို့ ပြီးခဲ့တဲ့ ဆောင်းပါးမှာ ကျနော်က ထောက်ပြတော့ တချို့ ရခိုင်အမျိုးသားတွေကပါ မကျေမနပ်ဖြစ်ပြီး ဆဲကြတာကို တွေ့ရပါတယ်။ ခေါင်းအေးအေးထားပြီး စဉ်းစားကြပါ။ အစိုးရက ဒီစာသားတွေ ရေးတာဟာ အစိုးရက ရခိုင်ဘက်က နာလို့ ရေးတာမဟုတ်ပါဘူး။ ရခိုင်တွေနဲ့ မွတ်ဆလင်တွေကို ရန်တိုက်ပေးနေတာပါ။ ရခိုင်တွေရော၊ မွတ်ဆလင်တွေပါ သွေးချောင်းစီးအောင် လုပ်နေတာပါ။ စစ်အာဏာရှင်စနစ်ကို ပိုမိုကြံ့ခိုင်အောင် အင်္ဂတေနဲ့ မွမ်းမံရာမှာ အဲဒီအင်္ဂတေကို ရခိုင်၊ မွတ်ဆလင်တွေရဲ့ သွေးနဲ့ ဖျော်ဖို့ ကြံစည်နေတာပါ။ ရခိုင်တွေ သွေးချောင်းစီးအောင်ရေးတဲ့ စာသားကို ရခိုင်ဘက်ကနေ ရေးတယ်လို့ ထင်ရင်တော့ အမှားကြီးမှားပါလိမ့်မယ်။

မသီတာထွေးကို မုဒိန်းကျင့် သတ်ဖြတ်တဲ့ လူတွေဟာ လူသတ်သမားတွေ၊ လူယုတ်မာတွေပဲ။ ဒီလူတွေကို ထိထိရောက်ရောက် အရေးယူ အပြစ်ပေးရမှာပဲ။ ရိုးမသစ္စာ ကားပေါ်က လူတွေကို သတ်တဲ့ လူတွေဟာလည်း လူသတ်သမားတွေ၊ အစွန်းရောက်တွေပဲ။ အဲဒီလူတွေကိုလည်း ဖော်ထုတ် အရေးယူရမှာပဲ။ အဲဒီ့ထက် အဆတသိန်း ယုတ်မာတဲ့ လူတွေကတော့ အစိုးရသတင်းစာ၊ အစိုးရရုပ်မြင်သံကြားနဲ့ အများသုံး အင်တာနက်ကနေ လူတွေ သတ်အောင်၊ ဖြတ်အောင် သွေးထိုးလှုံ့ဆော်ပေးနေတဲ့သူတွေပဲ။ ဒီသွေးထိုးလှုံ့ဆော်သူတွေဟာ တယောက်တလေမှ ကိုယ်ထိလက်ရောက် သတ်ချင်မှ သတ်ဖူးမယ်။ ဒါပေမယ့် အခုသတ်ဖြတ် သေကြေမှုတွေအားလုံး သူတို့ လက်ချက်ကြောင့်၊ သူတို့ ပယောဂကြောင့်လို့ ဆိုလို့ရတယ်။

အရင်တုန်းကလည်း ကျနော်တို့ နိုင်ငံမှာ နိုင်ငံရေး လှုပ်လှုပ်ရှားရှားရှိတိုင်း ကုလား-ဗမာအဓိကရုဏ်း ဖန်တီးပြီး အာရုံပြောင်းတတ်တာ လုပ်ရိုးလုပ်စဉ် အစဉ်အလာပါ။ ၈၈ အရေးအခင်ကြီးတုန်းကလည်း ခေါင်းဖြတ်သတ်တဲ့ လူသတ်မှုတွေ ပေါ်ပေါက်လာအောင် ဗိုလ်ချုပ်ခင်ညွန့်ရဲ့ စစ်ထောက်လှမ်းရေးကပဲ နောက်ကွယ်ကနေ ဖန်တီးခဲ့တာပါ။ အဲဒီဖန်တီးမှုတွေမှာ ထောက်လှမ်းရေးနဲ့ သတင်းပေးတွေကနေ နောက်ကွယ်ကနေ ဒလျှိုဒလန်အဖြစ် ပါဝင်ပြီး သွေးထိုးလှုံ့ဆော်ကြ၊ ကောလဟလ ဖြန့်ချိကြတဲ့ နည်းတွေနဲ့ လုပ်တာပါ။ မသိမသာ စပေး၊ လုပ်ပေးပြီး တကယ်တန်း အဓိကရုဏ်းတွေ ကြီးထွားလာတဲ့အခါ ဒလျှိုဒလန်တွေက ကိုယ်ယောင်ဖျောက် ရှောင်ထွက်သွားတတ်ကြပါတယ်။ ဒီတော့ အဲသလို သွေးထိုးလှုံ့ဆော်မှုတွေ လုပ်တဲ့အခါ လက်ဆုပ်လက်ကိုင် ပြစရာ သက်သေရှာရ ခက်တတ်ပါတယ်။ ဘယ်သတင်းထောက်မှလည်း ဒါမျိုးသတင်းတွေနောက်ကို လိုက်ပြီး မစုံစမ်းရဲကြပါဘူး။

ဒါပေမယ့် အခုကိစ္စမှာတော့ သူတို့ဘက်က သိပ်ရဲတင်းပြီး သိပ်ပြောင်ကျကျ လုပ်လာတဲ့အတွက် လက်သည်ကို ကျနော်တို့ လက်ပူးလက်ကြပ် ထုတ်ပြလို့ ရလာပါပြီ။ ပြီးခဲ့တဲ့ ဆောင်းပါးမှာ ဖော်ပြခဲ့သလိုပဲ သမ္မတရုံးရဲ့ ညွှန်ကြားရေးမှူးချုပ် ဗိုလ်မှူးဇော်ဌေးဟာ ဖေ့စ်ဘုတ် (ဖဘ) မှာ မှူးဇော် ဆိုတဲ့ နာမည်နဲ့ အဓိကရုဏ်းတွေ ကြီးထွားလာအောင် မြှောက်ပေးနေပါတယ်။ ဖဘမှာရှိတဲ့ မွတ်ဆလင်ဆန့်ကျင်ရေး သွေးထိုးလှုံ့ဆော်မှုတွေကို ကြည့်လိုက်တိုင်းမှာ အရင်းအမြစ်ဟာ မှူးဇော်ဆီက လာတာက အများစုလိုလို ဖြစ်နေတာတွေ့ရပါတယ်။ သမ္မတရုံးရဲ့ ညွှန်ကြားရေးမှူး ဆိုတာဟာ ဒါမျိုးကို အထက်ညွှန်ကြားချက်မပါဘဲ ရေးလို့မရပါဘူး။ ဒါတွေဟာ အထက်ညွှန်ကြားချက်နဲ့ လုပ်နေတာပါ။ ပိုပြီး တိတိကျကျ ပြောရရင် သမ္မတဦးသိန်းစိန်ရဲ့ ညွှန်ကြားချက် ဒါမှမဟုတ် စစ်အာဏာရှင်ခေါင်းဆောင် ဦးသန်းရွှေရဲ့ ညွှန်ကြားချက် ဒါမှမဟုတ် ကာ/လုံအဖွဲ့ရဲ့ ညွှန်ကြားချက်နဲ့ လုပ်နေတာပါ။ သူ့ဖဘကို သွားကြည့်ကြပါ။ ထပ်ပြီး ကြော်ငြာပေးလိုက်ပါဦးမယ်။

https://www.facebook.com/hmuu.zaw

သွားကြည့်ကြပါ။ ဖတ်ကြည့်ကြပါ။ ပြည်ပကနေ အင်တာနက်ကို မြန်မြန်ဆန်ဆန် သုံးခွင့်ရကြသူတွေအနေနဲ့ သူရေးထားသမျှကို ပြန်မဖျက်ခင် screen shot ယူပြီး သိမ်းထားပေးကြပါလို့လည်း မေတ္တာရပ်ခံပါရစေ။ ဒီလူဟာ လူမျိုးရေးအဓိကရုဏ်းကို သွေးထိုးလှုံ့ဆော်မှုနဲ့ တရားစွဲဆို အပြစ်ပေးရမယ့်သူပါ။ အခုသေတဲ့ လူသတ်မှုတွေ၊ မီးရှို့မှုတွေနဲ့ ဖြစ်လတ္တံ့၊ လာလတ္တံ့သော အမှုတွေအတွက် သူ့မှာ အလွန်ကြီးကြီးမားမား တာဝန်ရှိပါတယ်။ သူ့ကို တရားစွဲနိုင်အောင်လည်း ဆက်ပြီး ကြိုးစားပါမယ်။ တခြားသူများကိုလည်း ကြိုးစားကြဖို့ တိုက်တွန်းချင်ပါတယ်။

“လူအများအပြားရဲ့အရေး လူအများအပြားရဲ့ ကံကြမ္မာကို ဆုံးဖြတ်မယ့်အရေးမှာ ကိုယ့်အထင်၊ ကိုယ့်အသိလောက်နဲ့ လွယ်လွယ် ပြောဖို့မသင့်ဘူး။ အရင်ကလည်း နိုင်ငံရေးသမား အဆက်ဆက်ဟာ ရိုဟင်ဂျာကို ကိုယ့်အကျိုးစီးပွားအတွက် ကိုယ့်သဘောနဲ့ကိုယ် လိုသလို အသုံးချခဲ့လို့ အခုလို အရှုပ်အထွေးတွေ ပေါ်လာခဲ့၊ ကျန်နေခဲ့တာကို သတိရသင့်တယ်။ အခု ရိုဟင်ဂျာတွေကို မုန်းလှချည်ရဲ့ဆိုတဲ့ စစ်ဗိုလ်စစ်သားတွေထဲက ရဲမှူးခင်ရီ (အခု လဝကဝန်ကြီး) က ရိုဟင်ဂျာတွေကို ဘာပေးပါမယ်၊ ညာပေးပါမယ် ဆိုပြီး ကတိတွေ ဗရပွ ပေးပြီး ၂၀၁၀ မှာ မဲဆွယ်မဲဝယ်သွားခဲ့တာကိုလည်း သတိရသင့်ကြပါတယ်။”

ဒီဇော်ဌေး ဆိုတဲ့သူက ရိုဟင်ဂျာသွေးစည်းညီညွတ်ရေးဆိုတဲ့ အကြမ်းဖက်သမားတွေဟာ လက်နက်တွေနဲ့ နယ်စပ်ကို ဖြတ်ကျော်ပြီး ပြည်ပကနေ ကျူးကျော်နေပြီဆိုပြီး မမှန်သတင်းကို တွင်တွင် ဝါဒဖြန့်ချိခဲ့ပါတယ်။ အခုကိစ္စဟာ ဘာသာရေးပြဿနာ မဟုတ်တော့ဘူး၊ ပြည်ပကျူးကျော်မှုဆိုပြီး ပြောတယ်။ ဘယ်နေရာမှာများ စစ်တပ်နဲ့ ရိုဟင်ဂျာသွေးစည်းညီညွတ်ရေးတပ်တွေ အပြန်အလှန် ပစ်ခတ်တိုက်ပွဲဖြစ်နေသလဲ။ ပြောစမ်းပါ။ ဒီလောက်ဓာတ်ပုံတွေ တင်နေတဲ့ အထဲမှာ တပုံတလေ တင်လိုက်စမ်းပါ။ အမှန်တကယ် ဘင်္ဂလားဒေ့ရ်ှက လူတွေ ကျူးကျော်ဝင်လာနေပြီဆိုရင် ဘာလို့ ဘင်္ဂလားဒေ့ရ်ှနိုင်ငံကို တရားဝင် မကန့်ကွက်သလဲ။ ဘင်္ဂလားဒေ့ရ်ှနိုင်ငံက ကျူးကျော်နေပြီဆိုရင် သမ္မတ သိအောင် အကြောင်းမကြားဘူးလား။ ဒီည သမ္မတ ပြောသွားတဲ့ မိန့်ခွန်းထဲမှ ဘာမှ မပါပါလား။

ဒီည ဇွန်လ ၁၀ ရက်ညမှာပဲ သမ္မတက မိန့်ခွန်းပြောသွားပါတယ်။ ထူးထူးခြားခြားဘာမှ မပါပါဘူး။ ဒါပေမယ့် လူမျိုးရေး မုန်းတီးသတ်ဖြတ်မှုတွေ ဆက်မပြန့်ပွားဖို့ ပြောသွားတာဖြစ်တဲ့အတွက် ကောင်းပါတယ်။ ဒါပေမယ့် တခြားတဘက်မှာ သူ့ရဲ့ သမ္မတရုံး ညွှန်ကြားရေးမှူးက လူမျိုးရေး အဓိကရုဏ်းကို ဝါဒဖြန့် လှုံ့ဆော်နေတဲ့အတွက်၊ ဆက်လက် လှုံ့ဆော်နေဆဲ ဖြစ်တဲ့အတွက် အယုံရခက်ပါတယ်။ ရှေ့မှာ အကောင်းတွေ ပြောပြီး နောက်ကွယ်က မဟုတ်တရုတ် လုပ်နေတဲ့ အချက်ဟာ ယုံကြည်ထိုက်စရာ မရှိပါဘူး။ စောစောက ပြောသလို နိုင်ငံတော်သတင်းစာထဲကနေ သွေးထိုးလှုံ့ဆော်ခဲ့တဲ့ အချက်ကိုလည်း ထည့်မတွက်လို့ မရပါဘူး။ ဒါ့အပြင် ဖဘမှာ ရိုဟင်ဂျာတွေကို သတ်ကြဖြတ်ကြလို့ ပြောနေကြတဲ့သူတွေထဲမှာ စစ်ဗိုလ်စစ်သားတွေ အများဆုံးပါနေတာကလည်း သံသယဝင်စရာ အချက်ဖြစ်ပါတယ်။ စစ်အာဏာရှင်တွေကို အမြဲထောက်ခံပြီး ဒေါ်အောင်ဆန်းစုကြည်ကို အမြဲ မမှန်သတင်းတွေနဲ့ သိက္ခာချ စော်ကားတတ်တဲ့ http://www.myanmarexpress.net/ ဟာလည်း အခု အရေးအခင်းမှာ အဓိက သွေးထိုးလှုံ့ဆော်သူထဲက တဖွဲ့ ဖြစ်ပါတယ်။ ဗမာစစ်အာဏာရှင်တွေကို ဖက်ဆစ်တွေလို့ ပြောတာဟာ မုန်းလို့ သိက္ခာချဖို့ ပြောနေတာမဟုတ်ပါဘူး။ သူတို့မှာ ဖက်ဆစ်အတွေးအခေါ်၊ ဖက်ဆစ်လုပ်ရပ်တွေရှိလို့ ပြောတာပါ။ ကိုယ့်လူမျိုးကလွဲပြီး တခြားလူမျိုးကို လူမထင်တာဟာ ဖက်ဆစ်စရိုက်ပါ။ စစ်အာဏာရှင်တွေဟာ စစ်ဗိုလ်စစ်သားတွေကို အဲဒီမျက်ကန်းမျိုးချစ် စိတ်ဓာတ်ရိုက်သွင်းပေးထားပါတယ်။ ဒါ့ကြောင့် ဖဘပေါ်က လူမျိုးရေးလှုံ့ဆော်သူတွေထဲမှာ သူတို့တွေ အများအပြား ပါဝင်နေတာဖြစ်ပါတယ်။ ရခိုင်ကို ထိလို့ မခံချင်စိတ်ဖြစ်ပြီး ရိုဟင်ဂျာတွေကို သတ်ချင်ဖြတ်ချင်တဲ့ ရခိုင်တွေ အများအပြားလည်း ပါဝင်ပါတယ်။ အဲသလို ရိုးရိုးသားသား ရခိုင်လူမျိုးတွေကို ပြောချင်တာကတော့ ဒီလိုပြဿနာမျိုးကို လက်စားချေတဲ့နည်းနဲ့ ဖြေရှင်းရင် မပြေလည်ရုံသာမက ပိုဆိုးလာရုံပဲ ရှိတတ်တယ်ဆိုတဲ့ အချက်ပါ။

အခု ရခိုင်ပြည်နယ်ကို အရေးပေါ်အခြေအနေ ကြေညာလိုက်ပါတယ်။ အခြေခံဥပဒေ ပုဒ်မ ၄၁၂၊ ၄၁၃ တို့အရ ကြေညာလိုက်တာလို့ ဆိုပါတယ်။ ကာဖျူးမိန့်နဲ့တင် မနိုင်တော့လို့ အရေးပေါ်အခြေအနေ ကြေညာလိုက်တာလို့ ဆိုပါတယ်။ ခုလို ဘရုတ်ဘရက် ကာလကြီးမှာ အရေးပေါ်အခြေအနေ ကြေညာတာကို သိပ်အပြစ်တင်စရာ မရှိပေမယ့် ကာဖျူးအမိန့်လောက်နဲ့ နိုင်အောင် မထိန်းနိုင်ဘူးဆိုတာ ရှက်စရာပါ။ ယုံစရာလည်း မရှိပါဘူး။ သူတို့ ဒီလိုလုပ်တာ ရည်ရွယ်ချက် ရှိပါတယ်။ အခြေခံဥပဒေ အခန်း ၁၁ ကို ထုတ်သုံးပြတာပါ။ အခြေခံဥပဒေ အခန်း ၁၁ ဟာ အာဏာသိမ်းခွင့် ပါတဲ့ အခန်းပါ။ စစ်အာဏာရှင်စနစ်ကို အပီပြင်ဆုံး ဖော်ပြထားတဲ့ အခန်းပါ။ တနည်းအားဖြင့် ဒီနေ့ ဗမာပြည်ဟာ စစ်အာဏာရှင်စနစ် တရားဝင် ထူထောင်ထားတဲ့ နိုင်ငံဖြစ်နေတာဟာ အဲဒီ အခန်း ၁၁ ကြောင့်လို့ ဆိုနိုင်ပါတယ်။ အခုပြောတဲ့ ပုဒ်မ ၄၁၂၊ ၄၁၃ တို့ဟာ သမ္မတ တယောက်တည်းသဘောနဲ့ ထုတ်ပြန်လို့ရတဲ့ အမိန့်တွေ မဟုတ်ပါဘူး။ ကာ-လုံအဖွဲ့ရဲ့ သဘောတူညီချက်နဲ့သာ ထုတ်လို့ရတဲ့အမိန့် ဖြစ်ပါတယ်။ ဒါ့ကြောင့် ဒီအမိန့်တွေဟာ ကာ-လုံအဖွဲ့ရဲ့ ဘီလူးစွယ်ကို ထုတ်ပြတဲ့ အမိန့်လို့ ပြောရင်လည်း မမှားပါဘူး။ တနည်းအားဖြင့် ပြောရရင် ခေတ်ပြောင်း အိပ်မက်မက်ပြီး စိတ်ကူးယဉ်နေကြသူတွေ အလန့်တကြား ဖြစ်သွားအောင် ဘီလူးက အစွယ်ပြ ခြိမ်းခြောက်လိုက်တာ ဖြစ်ပါတယ်။ စောင့်နားထောင်ပါ။ ကြားလာရပါလိမ့်မယ်။ သမ္မတကြီးရဲ့ ပြုပြင်ပြောင်းလဲရေးတွေ မထိခိုက်ရအောင် တောင်းပွဲ တိုက်ပွဲတွေ ရပ်ကြပါလို့ ပြောသူတွေ ထပ်ပေါ်လာပါလိမ့်ဦးမယ်။ အာဏာသိမ်းမှာ ကြောက်လွန်းလို့ အလုပ်သမားတွေ အငတ်ခံကြပါလို့ ပြောတဲ့သူတွေ ထပ်ပေါ်လာပါလိမ့်ဦးမယ်။ ဒါပေမယ့် အဲဒီစိတ်ကူးယဉ် အိပ်မက်သမားတွေ သိထားဖို့အချက်က အခု ပုဒ်မ ၄၁၂၊ ၄၁၃ ထုတ်ပြန်ချက်အရ၊ ကျနော်တို့ဟာ ၂၀၀၈ အခြေခံဥပဒေနဲ့အညီ စစ်တပ်က အာဏာသိမ်းထားတဲ့ အခြေအနေအောက်မှာ အခုလက်ရှိကိုပဲ ရောက်နေတယ်ဆိုတဲ့ အချက်ပါ။

အခု ရခိုင်အရေးမှာ ရခိုင်ဘက်ကရော၊ မွတ်ဆလင်ဘက်ကရော သတ်ဟယ် ဖြတ်ဟယ် ကြွေးကြော်နေကြသူတွေ လှုံ့ဆော်နေကြသူတွေကို သတိပေးပါရစေ။ သွေးကို သွေးနဲ့ ဆေးကြောလို့ မသန့်စင်နိုင်ပါဘူး။ လူတွေကို သတ်လို့ ဖြတ်လို့ ဘာမှ အကျိုးမရှိပါဘူး။ လူတွေ သေကြ ကြေကြလို့ ဘာမှ အကျိုးမရှိပါဘူး။ ဘာသဘောနဲ့ သတ်ခိုင်းဖြတ်ခိုင်းနေကြတာလဲ။ ရခိုင်တွေ သေလို့ ဘာအကျိုးရှိမလဲ။ မွတ်ဆလင်တွေ သေလို့ရော ဘာအကျိုးရှိမလဲ။ ရခိုင်တွေရော၊ မွတ်ဆလင်တွေရောဟာ ခင်ဗျားတို့ ကျနော်တို့လိုပဲ မိသားစုနဲ့ သံယောဇဉ်နဲ့ ခံစားတတ်၊ ဝမ်းနည်းတတ်၊ ချစ်တတ်၊ မုန်းတတ်တဲ့ လူတွေပဲဆိုတာ သတိရပါ။ လူသတ်ဝါဒကို စွန့်လွှတ်ကြပါ။ လူသတ်ဝါဒ ကြွေးကြော်သူ၊ လှုံ့ဆော်သူ မှန်သမျှကို ရှုတ်ချကြပါ။ ဒီနေရာမှာ နိုင်ငံခြားကနေ မြှောက်ပေးနေတဲ့သူတွေကို အထူးသတိပေးချင် အပြစ်တင်ချင်ပါတယ်။ နိုင်ငံခြားကနေ နိုင်ငံရေးစကား မပြောကြနဲ့ဆိုတဲ့ စကားမျိုးကို ကျနော် ဘယ်တုန်းကမှ မပြောခဲ့ဖူးပါဘူး။ နိုင်ငံခြားကလူတွေမှာလည်း ပြောဆိုခွင့် စည်းရုံးခွင့် ရှိတယ်လို့ ယုံကြည်တဲ့အတွက် မပြောတာပါ။ ဒါပေမယ့် အခုကိစ္စမှာတော့ ပြောပါရစေ။ ကိုယ်က လွတ်ရာကျွတ်ရာမှာ ရောက်နေပြီး ရခိုင်တွေ မွတ်ဆလင်တွေကို သတ်ကြဖြတ်ကြအောင် မြှောက်ပေးနေကြသူတွေကို ပြင်းပြင်းထန်ထန် ကန့်ကွက်ပါတယ်။ ခင်ဗျားတို့ရေးတဲ့ စာလုံးတလုံးကြောင့် လူတယောက် ပိုသေသွားနိုင်တယ်ဆိုတာ မမေ့ပါနဲ့။ ခင်ဗျားတို့ ရေးတဲ့ စာလုံးတလုံးဟာ သွေးစွန်းတဲ့ စာလုံးဖြစ်သွားနိုင်ပါတယ်။

မွတ်ဆလင်ဘာသာဝင်တွေအနေနဲ့လည်း လူစုလူရုံးနဲ့ တိုက်ခိုက် မီးရှို့သတ်ဖြတ်မှုတွေ ရပ်တန်းက ရပ်ကြပါ။ ဂလဲ့စားချေလို့ အကျိုးမရှိပါဘူး။ ခင်ဗျားတို့က လူနည်းစုပါ။ နာချင်းနာရင် ခင်ဗျားတို့ဘက်က ပိုနာပါလိမ့်မယ်။ မူဆလင်တွေက အင်အားပိုများတဲ့ နေရာတွေလည်း ရှိပါလိမ့်မယ်။ အင်အားပိုများလို့ အနိုင်ရလိုက်ရင်လည်း ဘာမှအကျိုးမရှိပါဘူး။ ရခိုင်တွေအနေနဲ့လည်း လက်စားချေ တုန့်ပြန်တဲ့ လုပ်ရပ်တွေဟာ အလားတူပဲ အကျိုးမရှိဘူး ဆိုတာကို နားလည်ကြပါ။ လူသတ်တဲ့လူဟာ လူသတ်သမားပါပဲ။ ဘာအကြောင်းကြောင့်မှ လူတယောက်ကို ဥပဒေမဲ့ သတ်ဖြတ်ခွင့်မရှိပါဘူး။ လူသတ်တဲ့ လုပ်ရပ်မှန်သမျှကို ဆန့်ကျင်ကြပါ။ မီးရှို့ဖျက်ဆီးတဲ့ လုပ်ရပ်မှန်သမျှကို ဆန့်ကျင်ကြပါ။

ရိုဟင်ဂျာအရေးကို ကျနော် တခါမှာ မရေးဖူး၊ မပြောဖူးပါဘူး။ ရိုဟင်ဂျာအရေးကို တခါမှ မထောက်ခံဖူးသလို တခါမှလည်း မဆန့်ကျင်ဖူးပါဘူး။ ဘာ့ကြောင့် မပြောသလဲဆိုတော့ ကျနော့်မှာ ပြောရေးဆိုခွင့် (authority) ရှိတယ်လို့ မထင်လို့ပါ။ အခုတော့ ရိုဟင်ဂျာအရေးဟာ မပြောမဖြစ်တဲ့ အခြေအနေကို ရောက်လာပြီမို့ ကိုယ်ပြောခွင့်ရှိတယ် ထင်သလောက် ပြောပါမယ်။

“တစုံတခုကို အများဆန္ဒနဲ့အညီ၊ လူ့သိက္ခာ လူ့ကျင့်ဝတ်နဲ့အညီ ပြတ်ပြတ်သားသား ဆုံးဖြတ်ချက် မချနိုင်သေးခင်မှာတော့ ကိုယ့်နိုင်ငံထဲမှာ ရှိနေရင် လူမှန်သမျှကို လူလို ဆက်ဆံဖို့ လိုတယ်။ စစ်အစိုးရခေါင်းဆောင်တွေ၊ ဗိုလ်မှူးဇော်ဌေးလို လူတွေအနေနဲ့လည်း လူလို သိတတ်ကြဖို့ လိုပါတယ်။”

ရိုဟင်ဂျာကို နိုင်ငံသား ပေးသင့် မပေးသင့် ဆိုတာကို ဘယ်သူတဦးတယောက်မှ၊ တဦးတယောက်သဘောနဲ့ ဆုံးဖြတ်ခွင့် မရှိပါဘူး။ ကိုယ့်အမြင်ကို ကိုယ်ပြောတယ် ဆိုရင်ဖြင့် ပြောချင်ပြောပါ။ တဦးတယောက်သဘောနဲ့တော့ ဆုံးဖြတ်လို့ မရပါဘူး။ ၈၈ မျိုးဆက်ကျောင်းသားခေါင်းဆောင် ကိုကိုကြီးက ရိုဟင်ဂျာဟာ တိုင်းရင်းသားမဟုတ်ဘူးလို့ မကြာခင်ရက်ပိုင်းက ပြောသွားတာ ကြားလိုက်ပါတယ်။ ဒီလို ပဋိပက္ခကာလမျိုးမှာ ဒီစကားထွက်ပြောတာဟာ အမြော်အမြင်နည်းတယ်လို့ပဲ ဆိုချင်ပါတယ်။ ၂၀၁၅ မှာ ရွေးကောက်ပွဲ ဝင်ချင်လို့များ ကြိုပြီး မဲဆွယ်နေသလားလို့တောင် အထင်သေးစရာ ဖြစ်နေပါတယ်။ ရိုဟင်ဂျာကို နိုင်ငံသားအဖြစ် လက်ခံသင့် မခံသင့်ဆိုတာ ကိုကိုကြီးတင်မကဘူး၊ ဦးသိန်းစိန်တောင်မှ တယောက်တည်းသဘောနဲ့ ထင်တိုင်းပြောလို့ မရဘူး။ (ကျနော်လည်း ထင်ရာမြင်ရာ မပြောပါဘူး။ ကန့်လည်း မကန့်ကွက်ပါဘူး။ ထောက်လည်း မထောက်ခံပါဘူး။) ဒါပေမယ့် ရိုဟင်ဂျာလည်း လူတွေပါ။ သိန်းနဲ့ချီတဲ့ လူတွေပါ။ ဒီလိုလူတွေရဲ့အရေးကို နိုင်ငံရေးခေါင်းဆောင်တယောက်အနေနဲ့ ပေါ့ပေါ့တန်တန်နဲ့ လက်လွတ်စပယ် မပြောကောင်းဘူး။ ရိုဟင်ဂျာအရေးအတွက် ဆုံးဖြတ်ချက်ချမယ်ဆိုရင် သမိုင်းပညာရှင်တွေ၊ စာပေပညာရှင်တွေ၊ နိုင်ငံရေးသမား ကြီးငယ်တွေ၊ ရခိုင်လူမျိုး အကြီးအကဲတွေ၊ ရိုဟင်ဂျာအကြီးအကဲတွေ တခြားသက်ဆိုင်သူတွေအားလုံး အညီအညွတ်ဆွေးနွေး တိုင်ပင်တဲ့ နိုင်ငံရေး ညီလာခံကြီး ကျင်းပဖို့ လိုပါတယ်။ ဒေသခံ သာမန်ပြည်သူတွေရဲ့ ဆန္ဒခံယူပွဲ လုပ်ဖို့လိုရင် လုပ်ရပါမယ်။ ဒီ့ထက် ပိုလိုအပ်ရင် တနိုင်ငံလုံးဆန္ဒခံယူပွဲ လုပ်သင့်ရင် လုပ်ရပါလိမ့်မယ်။ လူအများအပြားရဲ့အရေး လူအများအပြားရဲ့ ကံကြမ္မာကို ဆုံးဖြတ်မယ့်အရေးမှာ ကိုယ့်အထင်၊ ကိုယ့်အသိလောက်နဲ့ လွယ်လွယ် ပြောဖို့မသင့်ဘူး။ အရင်ကလည်း နိုင်ငံရေးသမား အဆက်ဆက်ဟာ ရိုဟင်ဂျာကို ကိုယ့်အကျိုးစီးပွားအတွက် ကိုယ့်သဘောနဲ့ကိုယ် လိုသလို အသုံးချခဲ့လို့ အခုလို အရှုပ်အထွေးတွေ ပေါ်လာခဲ့၊ ကျန်နေခဲ့တာကို သတိရသင့်တယ်။ အခု ရိုဟင်ဂျာတွေကို မုန်းလှချည်ရဲ့ဆိုတဲ့ စစ်ဗိုလ်စစ်သားတွေထဲက ရဲမှူးခင်ရီ (အခု လဝကဝန်ကြီး) က ရိုဟင်ဂျာတွေကို ဘာပေးပါမယ်၊ ညာပေးပါမယ် ဆိုပြီး ကတိတွေ ဗရပွ ပေးပြီး ၂၀၁၀ မှာ မဲဆွယ်မဲဝယ်သွားခဲ့တာကိုလည်း သတိရသင့်ကြပါတယ်။

လူတွေကို အမှိုက်ပုံထဲ စွန့်ပစ်လိုက်လို့ ရတာမဟုတ်ဘူး။ လူမပြောနဲ့။ ခွေးမွေးကင်းစကလေးတောင် အမှိုက်ပုံပေါ် သွားပစ်ရင် ယဉ်ကျေးတဲ့ လူအဖွဲ့အစည်းက ရှုတ်ချပြစ်တင်တတ်သေးတယ်။ ရိုဟင်ဂျာလည်း လူပဲ။ နိုင်ငံသားဖြစ်ခွင့်ရှိမရှိဆိုတာ စောစောက ပြောသလို အများသဘောနဲ့ ဆုံးဖြတ်ဖို့သာဖြစ်တယ်။ ဒါပေမယ့် လူမှန်ရင် နိုင်ငံသားပဲဖြစ်ဖြစ် နိုင်ငံခြားသားပဲဖြစ်ဖြစ် လူ့အခွင့်အရေးတော့ ရှိရမယ်။ အသားမဲမဲ၊ ဖြူဖြူ၊ မြန်မာစကား တတ်တတ် မတတ်တတ် လူမှန်ရင် လက်ထပ်ခွင့် ရှိရမယ်။ ခရီးသွားခွင့် ရှိရမယ်။ ပညာသင်ခွင့် ရှိရမယ်။ ဒီအခွင့်အရေးတွေကို စစ်အာဏာရှင်တွေက ချုပ်ချယ်တာဟာ လူ့အခွင့်အရေး ချိုးဖောက်တာပဲ။ တစုံတခုကို အများဆန္ဒနဲ့အညီ၊ လူ့သိက္ခာ လူ့ကျင့်ဝတ်နဲ့အညီ ပြတ်ပြတ်သားသား ဆုံးဖြတ်ချက် မချနိုင်သေးခင်မှာတော့ ကိုယ့်နိုင်ငံထဲမှာ ရှိနေရင် လူမှန်သမျှကို လူလို ဆက်ဆံဖို့ လိုတယ်။ စစ်အစိုးရခေါင်းဆောင်တွေ၊ ဗိုလ်မှူးဇော်ဌေးလို လူတွေအနေနဲ့လည်း လူလို သိတတ်ကြဖို့ လိုပါတယ်။

အခုချိန်မှာ ရခိုင်ဘက်ကနေ မွတ်ဆလင်ကို သတ်ဖို့ မြှောက်ပေးနေသူတွေရော၊ မွတ်ဆလင်ဘက်ကနေ ရခိုင်တွေကို သတ်ဖို့ မြှောက်ပေးနေသူတွေရော အဲဒီနှစ်မျိုးစလုံးဟာ လူသတ်ဝါဒဖြန့်ချိသူတွေ ဖြစ်ပါတယ်။ လူတွေ သေအောင် လုပ်နေသူတွေပါ။ ရခိုင်ဘက်ကနေ မွတ်ဆလင်တွေကို သတ်ကွာ၊ ချကွာလို့ အဝေးကနေ ပြောနေသူတွေ၊ အင်တာနက်ကနေ ပြောနေသူတွေကို ရခိုင်ဘက်သားလို့ မထင်ပါနဲ့။ သေစရာရှိရင် သူတို့ လာသေမှာ မဟုတ်ပါဘူး။ သာမန်အပြစ်မဲ့လူတွေပဲ သေကြမှာပါ။ မွတ်ဆလင်ဘက်ကနေ မြှောက်ပေးနေသူတွေဟာလည်း အလားတူပါပဲ။ သူတို့ကိုလည်း မွတ်ဆလင် အကျိုးကို အမှန်လိုလားသူလို့ သတ်မှတ်လို့မရပါဘူး။

ဒီအချိန်မှာ လုပ်သင့်တာက ကိုယ့်လူမျိုးကိုယ် ထိန်းသိမ်းစောင့်ရှောက်ကြဖို့ ကာကွယ်ကြဖို့ပါ။ အင်္ဂလိပ်ခေတ်က ကုလား-ဗမာအဓိကရုဏ်းမှာ အစပိုင်းမှာ ကျောင်းသားတွေ မျက်ကန်းမျိုးချစ်စိတ်နဲ့ ကုလားတွေကို လိုက်ရိုက်ခဲ့ကြပါတယ်။ နောက်ပိုင်း အမြင်မှန်ရသွားတဲ့ အချိန်မှာ လုပ်သင့်လုပ်ထိုက်တဲ့ ကောင်းရာမွန်ရာ အလုပ်တွေ လုပ်ပြခဲ့ဖူးတဲ့ သာဓကတွေ ရှိပါတယ်။ အဲဒီသာဓကတွေကို ကျနော်တို့ အတုယူကြရမှာပါ။ မြန်မာ၊ ရခိုင်နဲ့ တိုင်းရင်းသားလူမျိုးတွေအနေနဲ့ ရခိုင်လူမျိုးတွေထဲက ဒုက္ခရောက်သူတွေကို အစားအသောက်အဝတ်အစားနဲ့ လိုအပ်တဲ့ပစ္စည်းတွေ အကူအညီပေးဖို့ လိုပါတယ်။ ပြည်ပနေ တိုင်းရင်းသားတွေအနေနဲ့လည်း ရန်ပုံငွေတွေ ပေးပို့လှူဒါန်းပြီး ရခိုင်လူမျိုး ဒုက္ခရောက်သူတွေကို ကူညီသင့်ပါတယ်။ မွတ်ဆလင်ဘာသာရေး အဖွဲ့အစည်းနဲ့ မွတ်ဆလင် အသိုင်းအဝိုင်းတွေအနေနဲ့လည်း ကိုယ့်လူမျိုးဒုက္ခရောက်သူတွေကို ကိုယ့်ဘာသာ ကူညီစောင့်ရှောက်သင့်ပါတယ်။

ရဲနဲ့ စစ်တပ် လုံခြုံရေးအဖွဲ့အစည်းတွေအနေနဲ့လည်း အကာအကွယ် လိုအပ်တဲ့ ကျေးရွာနဲ့ ပြည်သူတွေရှိရာ နေရာတွေမှာ သွားရောက် စောင့်ရှောက်ပေးဖို့ လိုပါတယ်။ ရခိုင်ပြည်နယ်မှာ လက်ရှိ ရှိနေတဲ့ လုံခြုံရေးနဲ့ မလုံလောက်ရင် တနိုင်ငံလုံးမှာရှိတဲ့ ရဲတွေ စစ်သားတွေနဲ့ အင်အားဖြည့်ဖို့ လိုပါတယ်။ အစိုးရမှာရှိတဲ့ ရဲနဲ့ စစ်သား အသက်ပြည့်သူ အသက်မပြည့်သူတွေ အားလုံးပေါင်းလိုက်ရင် ရိုဟင်ဂျာတယောက် လုံခြုံရေးတယောက်တောင် ချဖို့လောက်ပါလိမ့်မယ်။

အခုတော့ အစိုးရလုပ်ရပ်က လူရှေ့ထွက် စကားကောင်းပြော၊ နောက်ကွယ်က မြှောက်ပေး၊ ဒလျှိုဒလန်ထည့် သွေးထိုး၊ မဖြစ်ရင် ဖြစ်အောင် ဖွပေး၊ ဖွပေးလို့ ဖြစ်လာရင် မကြီးသင့်တာကို ကြီးလာအောင် ဟပေး၊ အချိန်လွန်တော့မှ နာမည်ကောင်းဝင်ယူ ဆိုတာမျိုး ဖြစ်နေပါတယ်။

တနိုင်ငံလုံးမှာရှိတဲ့ ပြည်သူတွေရဲ့ လျှပ်စစ်မီးရရှိရေးလှုပ်ရှားမှု၊ အလုပ်သမားအခွင့်အရေး၊ လယ်သမားအခွင့်အရေး လှုပ်ရှားမှုတွေကို အာရုံလွှဲဖို့အတွက် အစိုးရကိုယ်တိုင် မြှောက်ပင့်ပေးနေတဲ့ လူမျိုးရေးအဓိကရုဏ်းတွေကို ရပ်တန့်နိုင်အောင် နိုင်ငံသားတိုင်း ဝင်ရောက်ကူညီကြပါ။ ဒုက္ခရောက်သူတွေကို ကူညီစောင့်ရှောက်ကြပါ။ မငြိမ်သက်တဲ့ ဒေသက ပြည်သူတွေရဲ့ အသက်အန္တရာယ် လုံခြုံရေးကို တတ်နိုင်သမျှ အကာအကွယ်ပေးကြပါ။ သွေးကို သွေးနဲ့ ဆေးလို့မရပါ။ ဂလဲ့စားချေတဲ့ နည်းဟာ မီးကို ရေနဲ့ ငြှိမ်းတာ မဟုတ်ဘဲ မီးလောင်ရာ လေပင့်တဲ့ နည်းသာဖြစ်ပါတယ်။ လူသတ်တာကို ဆန့်ကျင်ကြပါ။ ဖက်ဆစ်အာဏာရှင်စနစ်နဲ့ လူသတ်ဝါဒကို ဆန့်ကျင်ကြပါ။

ဇော်ဝင်း (၈၈ ကျောင်းသားဟောင်း)

ရခိုင်ပြည်နယ်တွင်ဖြစ်ပေါ်နေသော အဓိကရုဏ်းတွင် အမေရိကန်၏ သဘောထားတုံပြန်ချက်

ရခိုင်ပြည် ပြာပုံဖြစ်တဲ့ အထိ မစောင့်ကြပါနဲ့ 













Kyaw H . Aung


ဘင်္ဂလီအကြမ်းဖက်သမားတွေကို တားဆီးဖို့၊ အသက်အိုးအိမ်စည်းစိမ်ဆုံးရှုံးမှုများကို ရပ်တန့်ဖို့ ရှယ်ပေးကြပါအုံး ခင်ဗျာ။ ၀ိုင်းဝန်းတောင်းဆိုပေးကြပါ

မိုးမှောင်ကျတဲ့ခေတ်








မိုးမှောင်ကျတဲ့ခေတ်

စစ်အစိုးရ ခေတ်အခါ
နစ်နာစရာ ဝေဆာပွား…။
တမီးမငြိမ်းတမီးလောင်ပြီ
ပစ္စည်းပြောင် လူကောင်ပင်မပေါ်ပါလား…။

မြောက်ပိုင်းဝယ် တရုတ်ကဖိ
အနောက်ပိုင်းမယ်ကုလားတွေကအိ..။
နေမထိ ထိုင်မသာ
ငိုင်စရာ ဘ၀မှောင်အတိ…။

တထိတ်ထိတ်နဲ့သာ
ကြိတ်မှိတ်ကာ မနေသာ
ရခိုင်တွေမှာ ဓါးကိုင်ဆွဲ
တအားအပိုင်ဘဲ ခုတ်လေတော့မှာ…။

အရိပ်နေ အခက်လည်းချိုး
ဆိုးလှတဲ့ ဘဂီါလီတွေ
သင့်မြတ်အောင်မနေ
ဆိုးတေပေ ပွေလိမ်ရှုပ်
လူယုတ်လို့ခေါ်ရမလေ…။

ဒို့မြေ၀ယ် ခြေကုတ်မပေး
မောင်းထုတ်ကြလေး…။

အဆိုးအခြေ တိုးမမွှေဘဲ
လူမျိုးဘာသာတွေ မရွေး
အေးချမ်းမှုဖြေဆေးနဲ့
ကျေအေးနိုင်ရင် အကောင်းဆုံးပလေး...။

တက္တသိုလ်ဘုန်းကြွယ်
(ဇွန် ၁၀ ၂၀၁၂)

★ ဗိုလ်ချုပ်အောင်ဆန်း ★ရဲ့ မိန့် ခွန်း

"ကိုယ့်အမျိုးကို ချစ်ရုံနဲ့ ဒီ့ပြင် အမျိုးကိုလည်း မုန်းဖို့မလိုဘူး။
သို့သော်လည်း အမျိုးအကျိုးကို လာထိတဲ့သူတွေကိုတော့
အတွင်းကလူဖြစ်ဖြစ် အပြင်ကလူဖြစ်ဖြစ် တိုက်ခိုက်နှိမ်နှင်းရမှာပေါ့။
ဒါက ငါတို့ အမျိုးရဲ့ ရန်သူအဖြစ်ဖြင့်သာ နှိမ်နှင်းခြင်းဖြစ်တယ်။
ဘယ်လူမျိုး၊ ဘယ်သူ ဘယ်ဝါဆိုပြီး နှိမ်နှင်းတာမဟုတ်ဘူး"

★ ဗိုလ်ချုပ်အောင်ဆန်း ★
၁၉၄၄ ခုနှစ် မတ်လ ၁၁ ရက်နေ့ မင်္ဂလာဒုံ ဗိုလ်သင်တန်း ကျောင်းဆင်းပွဲ မိန့်ခွန်းမှ —











Ko Myoe

ပြည်သူ့အခက် စစ်တပ်အချက်














ဆောင်းပါးရှင်... ကျော်စွာ

ဘာသာရေး လူမျိုးရေးပြသနာများကို ဘယ်တုန်းကမှ ဆွေးနွေးလိုစိတ် မရှိခဲဘူး ။ ပိုဆိုးတာက ခုဖြစ်နေတဲ့ပြသနာတွေကိုလည်း နိုင်ငံရေးနဲ့ မဆိုင်ဘူး ကြုံရင် အစိုးရကို ဝေဖန်ဖို့လောက်ပဲ ရေးနေတယ်လို့ ယူဆစရာရှိလို့ မပြောဖြစ်အောင် နေတယ် ။ မနေနိုင်မထိုင်နိုင် ဖြစ်လာလို့ ပြောခြင်ရာပြောတော့မယ် ။ ရိုင်းဆိုင်းစွာ ဆဲဆိုလာတဲ့ အကောင့်တွေကိုလည်း ဘလော့သွားမယ် ။ မကျေနပ်လို့ ဘလော့ချင်တဲ့ သူများလဲ လွပ်လွပ်လပ်လပ် ဘလော့သွားကြပါ ။

ပထမဆုံး အချက်က - ပင်တဂွန်က စစ်ရေးပူတွဲလေ့ကျင့်မယ်ဆိုတဲ့ စကားမျိုး အရိပ်အမွတ်ထွက်လာကတည်းက ပြသနာလေးတွေ အကျယ်အကျယ် ဖန်တီးလာတာရှိတယ် ။ မြန်မာစစ်တပ်အနေနဲ့ ယူအက်စ်နဲ့ ပူတွဲလေ့ကျင့်မယ်ဆိုရင် ချိုင်နားကို ပြဖို့အတွက် reason ကောင်းကောင်းတစ်ခု မဖြစ်မနေလိုအပ်တယ် ။ ဒီမှာတင်ပဲ ရိုဟင်ဂျားအရေးမှာ အယ်ကိုင်းဒါတွေ ဆွဲသွင်းလာပြီး အထိကရုဏ်းက ပိုပိုကျယ်ကျယ်လောင်လောင်ဖြစ်လာတာပဲ ။

ဒုတိယအချက်က - ဒေါ်အောင်ဆန်းစုကြည်ရဲ့ ဥရောပခရီးစဉ် ။ အမေရိကန်နဲ့ ဒေါ်အောင်ဆန်းစုကြည်ရဲ့ ဆက်ဆံရေး အနည်းငယ်တင်းမာနေတယ် ဆိုတာ မဝေဖန်သင့်တဲ့ အချိန်မို့ မပြောပဲ ဆိတ်ဆိတ်နေခဲ့ပါတယ် ။ အဲ့ဒီကိစ္စအတွက် နောက်များ အကြောင်းကြုံမှ ဆွေးနွေးပါဦးမယ် ။ ဆန်ရှင်ကိစ္စအတွက် ဒေါ်စုအထပ်ထပ်အခါခါ သတိပေးနေရက်နဲ့ ဒေါ်ကလင်တန် မျက်နှာပြောင်တိုက်ပြီး ဆန်ရှင်ဖွင့်ပေးခဲ့တယ် ။ ဒေါ်အောင်ဆန်းစုကြည်ကလည်း ယိုးဒယာခရီးစဉ်မှာ မြန်မာဟာ "တရုတ်နဲ့ အမေရိကန်ရဲ့ တိုက်ပွဲနေရာမဟုတ်ဘူးလို့ "ပေါ်တင်ပဲ ချဲလင်းခေါ်ခဲ့တယ် ။ ဆန်ရှင်ကိစ္စကို တရားဝင်ထုတ်ပြောတော့ ဦးသိန်းစိန်အစိုးရ ဆတ်ဆတ်ထိမခံနိုင်ဖြစ်သွားကြတာ ဟန်တောင်မဆောင်နိုင်တော့အောင်ပဲ ။ နောက် ဥရောပကို ခရီးစဉ် ဆက်ထွက်မယ် ။ ဒီကိစ္စကို ယူရိုထိပ်သီးခေါင်းဆောင်တွေနဲ့ ဆွေးနွေးနိုင်လိမ့်မယ်ဆိုတာ အစိုးရအနေနဲ့ ယုံမှားစရာမရှိဘူး ။ ဒေါ်စုကို ချန်လှပ်ပြီး အမေရိကန်နဲ့ ဇာတ်ပေါင်းခန်းရိုက်မယ့် ဦးသိန်းစိန်အစိုးရအနေနဲ့ ဒေါ်စုရဲ့ ဥရောပခရီးစဉ်ကို မပျက်ပျက်အောင် ဖျက်ဖို့အတွက် ဒို့တာဝန်အရေးသုံးပါနဲ့ အားသွန်ခွန်စိုက် ကြိုးစားလိုက်ကြတာ ဖယောင်းတိုင်ပြသနာမှာ ဦးကိုကိုလှိုင်လို နိုင်ငံတော် လူလည်ကြီးကတောင် လူတုံးစကားပြောပြီး ဒေါသမီးကို အစမွှေးပေးခဲ့သေးတယ် ။ မအောင်မြင်တော့ နောက်တဆင့်တက်လိုက်ပြီး ရခိုင်အရေးမှာ ကျော်ဆန်းက မွတ်စလင်ကုလားလို့သုံးပြီး လူမျိုးရေးကို ဇောင်းပေး ထပ်ဆင့်ကူညီခဲ့တယ် ။ သမ္မတရုံးကလူက ဖဘမှာ သွေးဆူစရာပုံတွေတင်ပြီး သတင်းမှားတွေ ဆက်တိုင်လွှင့်တယ် ။ အယ်လ်ကေဒါနဲ့ ဆက်နွှယ်တဲ့ လက်နက်ကိုင်အကြမ်းဖက်သမားတွေနဲ့ စစ်တပ်တို့ တိုက်ပွဲတွေ ပြင်းထန်စွာ ဖြစ်ပွားနေတယ်ဆိုတဲ့သတင်းမျိုးတွေ လူအင်အားဘယ်လောက်ဘယ်လောက်နဲ့ လက်နက်ကိုင် ဘင်င်္ဂါလီတွေ လာနေကြပြီဆိုတဲ့ သတင်းမျိုးတွေ ကို တာဝန်ယူစိတ်ကင်းမဲ့စွာ လှုံဆော်ရေးသားနေတယ်။ ဒီလောက် မီဒီယာအားကောင်းနေတဲ့ ဖဘမှာ ဓါတ်ပုံတစ်ပုံမှ တက်မလာဘူးး ။

နောက်ဆုံးတစ်ချက်က ပြည်သူ့အခက် စစ်တပ်အချက်ဆိုသလိုပဲ တစ်ချိန်မှာ ပြည်သူချစ်တဲ့ တပ်မတော်ဖြစ်အောင် ကြိုးစားပါ့မယ်လို့ ကတိပေးခဲ့တဲ့ ကာလုံမင်းအောင်လှိုင်အနေနဲ့ ဒီနည်းလမ်းနဲ့ ပြည်သူ့အချစ်ကို ပြန်ရဖို့ ဟန်ရေးဝင်ပြနေတယ် ။ လက်နက်ကိုင် လူအင်အား၂၀၀ ကျော်လောက်ရှိတဲ့ အကြမ်းဖက်သမားတွေကို တပ်အင်အား ၆ထောင်လောက်ရှိတဲ့ မြန်မာစစ်တပ်က  လေတပ် အကူအညီယူလိုက် ရေတပ်အကူအညီယူလိုက် လုပ်ပြပြီး ထိထိရောက်ရောက် မနှိမ်နင်းပြသေးဘူး ။ မြို့ထဲမှာ လူတွေသေနေရတယ် အိုးအိမ်တွေ စွန့်ခွာပြီး ထွက်ပြေတိမ်းရှောင်နေရတာ ကိုယ့်ရေ ကိုယ့်မြေ ကိုယ့်နိုင်ငံမဟုတ်တဲ့ အတိုင်းပဲ ။ အခြေအနေတွေက တစ်နေ့တခြား ပိုပို ဆိုးဝါလာတယ် ။ စက်တင်ဘာမှာ တစ်ရက်တည်းနဲ့ ငြိမ်ဝပ်ပိပြားနေအောင် သံဃာပါမချန် ကျောင်းသားအဆုံး ပစ်ခတ်ဖမ်းစီးပြီး ရက်ရက်စက်စက် ထိန်းသိမ်းနိုင်ခဲ့တဲ့  မြန်မာစစ်တပ်ရဲ့ အပစ်အခတ်ဟာ ရခိုင်မှာတော့ နှာဆေးနေသလား အိပ်ငိုက်နေသလားလို့တောင် ထင်မှတ်ရတယ် ။

ဒါဟာ တစ်ဖက်သတ် သံသယကြီးနေတာ မဟုတ်ပါဘူး ။ ဦးနေ၀င်း အာဏာသိမ်းပြီး စတတ်တဲ့အချိန်လောက် တပ်မတော်အပေါ် ပြည်သူချစ်တဲ့ အချိန်ဟာ မရှိခဲ့သေးဘူး ။ ရောင်စုံသူပုန်တွေကို အပြီးသတ်နှိမ်နှင်းပြပြီး ပြည်သူဘက်က မားမားရပ်ပြခဲ့တာကိုး ။ မေးစရာရှိတာက ပြည်တွင်းမှာ ထိန်းမနိုင်သိမ်းမရ  စစ်မီးတွေ ဒီလောက် တောက်လောင်နေတဲ့အချိန်မှာ တပ်မတော်က ဘယ်ဆီမှာများ အိပ်စက်နေပါလဲလို့ ။ နောက်ဆုံး ပြည်တွင်းအတိုက်အခံ လက်နက်ကိုင် အင်အားစုတွေ မင်းဓမ္မကုန်းထိ အောင်မြင်စွာ သိမ်းပိုက်လာနိုင်မှ အာဏာထသိမ်းပြီး တပ်မတော်ဝင်လာပြီဆိုကြေငြာ အပြတ်တိုက်ထုတ်လိုက်တာ အကုန်ပြောင်ရှင်းသွားတာပဲ ။ အဲ့လိုမျိုး အလားသဏ္ဍန်မျိုးတွေ ခုချိန်မှာ ထပ်မံပြုလုပ်ပြီး ပြည်သူ့အသည်းစွဲဖြစ်အောင် ကြံစည်နေကြတုန်းပဲ ။ တပ်မတော်ကို ပြည်သူယုံကြည်တာ ၊ လေးစားတာ ၊ ချစ်မြတ်နိုးတာဟာ နိုင်ငံတနိုင်ငံအတွက် မရှိမဖြစ်ကို လိုအပ်တဲ့ အရာတစ်ခုဆိုတာာ အကြွင်းမဲ့ ထောက်ခံတယ် ။ ဒါပေမယ့် တပ်မတော်ကို ပြည်သူက ချစ်ဖို့အတွက်နဲ့တော့ အပြစ်မဲ့တဲ့ ပြည်သူအပေါင်းရဲ့ အသက်တွေ စတေးပေးစရာမလိုပါဘူး ။ ရိုးရိုးသားသားတာ ပြည်သူတွေဖက်က ရပ်တည်ချင်တယ်ဆိုရင် ရခိုင်အရေးမှာ ဒီ့ထက်ပိုပြီး ထိထိရောက်ရောက် ထိန်းသိမ်းလို့ရပါတယ်  ။ ကျူးကျော်သူတွေကို ပြတ်ပြတ်သားသား အရေးယူလို့ရတယ် ။ လူ့အခွင့်အရေးဗန်းပြနေတဲ့ အခြားနိုင်ငံတွေကိုလည်း ဂရုစိုက်စရာမရှိပါဘူး ။ အခြားနိုင်ငံတစ်နိုင်ငံမှ ဒုက္ခသည်တွေကို တိုင်းရင်းသားအဖြစ်လက်ခံပြီး နိုင်ငံသားဖြစ်ခွင့်ပေးမှသာလျှင် လူ့အခွင့်အရေးဆိုရင် ပထမဆုံးသက်သေပြတဲ့အနေနဲ့ အမေရိကန်က ကျူးဘားနဲ့ မက္ကစီကိုလူမျိုးတွေကို  ဘာအဟန့်အတားမှ မပြုလုပ်ပဲ နိုင်ငံသားဖြစ်ခွင့်အရင်ပေးရပါလိမ့်မယ် ။ ထားပါ ဒါက ပြင်ပနိုင်ငံတွေရဲ့ သဘောထားပါ ။ ကျနော်တို့ရဲ့ ပြသနာက ကျနော်တို့နဲ့ပဲဆိုင်ပါတယ် ။ မြန်မာလူမျိုးတွေကို ကာကွယ်ပေးရမှာက မြန်မာစစ်တပ်ရဲ့ အလုပ်ပဲ ။ ပြသနာကို မီးစမွှေး အကျယ်အကျယ်ချဲ့ ထိန်းမနိုင်သိမ်းရ ဖြစ်လာမှ အမည်ကောင်းဝင်ယူပြီး မောင်းဖြုတ်ချတတ်တဲ့ အစိုးရရဲ့ ဥာဏ်နီဥာဏ်နက်တွေကတော့ ရပ်တန်းက ရပ်သင့်နေပါပြီ ။

ကိုယ့်လူမျိုး ကိုယ်ဘာသာကို ကာကွယ်ဖို့ ကိုယ့်နိုင်ငံသားတွေရဲ့တာဝန်ပဲ ။ ဒါပေမယ့် ဘယ်လို ကာကွယ်ရမယ်ဆိုတာကိုတော့ သိတိလေးနဲ့ ဆင်ခြင်စေချင်ပါတယ် ။ လက်နက်နဲ့ ကာကွယ်တာကတော့ လက်နက်ကိုင် အဖွဲ့အစည်းဖြစ်တဲ့ တပ်မတော်နဲ့သာ သက်ဆိုင်ပါတယ် ။ ပြည်သူတွေအနေနဲ့ အမုန်းတွေ နာကျည်းချက်တွေနဲ့ ဂလဲ့စားခြေ ပြန်လည်လက်တုန့်ပြန်မယ်ဆိုရင်တော့ ပဌိပက္ခတွေဟာ ဘယ်တော့မှ ပြေလည်မှာ မဟုတ်ပါဘူး ။ အာဖရိက ၊ ဘော့စနီးယား ၊ ဂျော်ဂျီယာ ဆူဒန်က ဒါဖာအရေးတွေကိုပဲ ချိန်ထိုးပြီး သတိလေးချပ်ကြပါ ။ လူမျိုးသုန်း သတ်ဖြတ်ခြင်းအားဖြင့် ဘယ်သူမှ အောင်မြင်မှုရမှာမဟုတ်ပါဘူး ။ ဘယ်လူမျိုးမှလည်း သုန်းသွားမှာ မဟုတ်ပါဘူး ။ ပြသနာကို တည်တည်ငြိမ်ငြိမ်နဲ့ တုန့်ပြန်မှု မှန်ကန်မှသာ အောင်မြင်မှု့ရနိုင်တာမျိုးမို့ ဒေါသမီးကိုခဏခွာပြီး အရှိအတိုင်မြင်အောင်ကြည့်လို့ အန္တရာယ်ကို တားဆီးကြပါစို့ ။

(( ကျနော်လည်း နာကျင်ရပါတယ် ၊ ခံစားရပါတယ် ၊ လက်တုန့်ပြန်ချင်စိတ်လေးတွေပေါ်မိပါတယ်ဆိုတာတော့ အမှန်အတိုင်း ၀န်ခံပါတယ် ။ လူမှန်ရင်တော့ ကိုယ်အမျိုး ကိုယ်ချစ်တဲ့ အစွဲကတော့ ရှိကြတာပါပဲ ။ ဘာအစွဲ ညာအစွဲ လူမျိုးစွဲမရှိဘူးလို့ပြောတာဟာ မုသားသက်သက်ပါပဲ ။ ပုထုဇဉ်ပီပီတော့ အစွဲလေးတော့ရှိကြမှာပါပဲ ။ ဒါပေမယ့် ဗုဒ္ဒဘာသာပီပီ ပညာ ရယ် ဥာဏ် ရယ်ကို သတိလေးကပ်ပြီး ဆင်ခြင်ကြပါဆို့ တုန့်ပြန်ကြပါစို့ )))

လျှပ်တစ်ပြက်ဂျာနယ် ယာယီပိတ်ခံရ



မက်ဆင်ဂျာ ဂျာနယ် 
http://www.facebook.com/pages/Messenger-News-Journal/127099574018030 မှာ တွေ့ရတဲ့ ကြေညာချက်ပါ။

အသိပေးကြေငြာချက်

၁။ ၂၀၁၂ ခုနှစ် ဇွန်လ ၉ ရက်နေ့ထုတ် လျှပ်တစ်ပြက်ဂျာနယ် အတွဲ ၃၊ အမှတ် ၉ စာမျက်နှာ ၈ တွင် မေလ ၂၈ ရက်နေ့က ရမ်းဗြဲမြို့နယ်၊ ကျောက်နီမော်ကျေးရွာ အုပ်စုတွင် ဖြစ်ပွားခဲ့သည့် လူသုံးဦးမှ အဓမ္မပြုကျင့်၍ အသတ်
ခံခဲ့ရပြီး မသီတာထွေး အသက် ၂၇ နှစ် (ဘ) ဦးလှတင်၏အခင်းဖြစ်သည့်နေရာတွင် သေဆုံးနေသည့် ဓာတ်ပုံအား မျက်နှာဝါးထားပြီး အရွယ်အစား အလျား ၇ လက်မ x အနံ ၃ ဒသမ ၈၅ လက်မ ခန့်ဖြင့် သတင်းနှင့် ယှဉ်တွဲလျက် ထည့်သွင်းဖော်ပြလာကြောင်း တွေ့ရှိရပါသည်။

၂။ စိစစ်ချက်များအရ အဆိုပါပုံမှာ စာပေစိစစ်နှင့် မှတ်ပုံတင်ဌာနသို့ ကြိုတင် တင်ပြမှုမရှိဘဲထည့်သွင်းခဲ့ ခြင်း ဖြစ်ကြောင်း တွေ့ရှိရပါသည်။ ယခုကဲ့သို့ ထည့်သွင်းခြင်းမျိုးသည် စာနယ်ဇင်းကျင့်ဝတ်နှင့် မကိုက်ညီသည့် အပြင် လတ်တလော ဆူပူအုံကြွမှုများ ဖြစ်ပွားနေချိန်၌ ပုံနှိပ်ဖော်ပြရန် လုံးဝ မသင့်လျော်သည့် ပုံမျိုးဖြစ်ကြောင်း စိစစ်တွေ့ရှိရပါသည်။

၃။ သို့ပါ၍ စာပေစိစစ်နှင့် မှတ်ပုံတင်ဌာနကချမှတ်ထားသော စာပေစိစစ်ရေးဆိုင်ရာ စည်းမျဉ်းစည်းကမ်းများနှင့်အညီ လိုက်နာဆောင်ရွက်ခြင်းမရှိသည့်အတွက် လျှပ်တစ်ပြက်ဂျာနယ်အား ယနေ့မှစ၍ ထုတ် ဝေခွင့် ယာယီရပ် ဆိုင်းလိုက်ကြောင်း ကြေငြာလိုက်သည်။

စာပေစိစစ်နှင့် မှတ်ပုံတင်ဌာန
၂၀၁၂ ခုနှစ်၊ ဇွန်လ ၁၁ 

http://blog.irrawaddy.org/2012/06/blog-post_2950.html

ဝတီ ကြေးမုံ မှ ဓါတ်ပုံများ

ထပ်ဆင့်မျှဝေခြင်း = http://waddymirror.blogspot.ca/
---------------------------------------------------------------
ညီနောင်သားချင်း... ရခိုင်လူမျိုးများရဲ့ လူမှုဘ၀များကို
တင်ပြထားသော ရခိုင်လူမှုဘ၀ အင်တာနက်ပြခန်းကို
ထပ်ဆင့်မျှဝေ..လက်ဆင့်ကမ်းပေးလိုက်ပါသည်။



























အစဉ်အလာရှိ မြင်အေင်ကြည့်ကြပါ။

ရွှေရင်အေးစေတဲ့ အမေ


























ကမ္ဘာကြီးရေ...
 ငြိမ်းချမ်းရေးဆိုတာကို 
လူမသေဖူးတဲ့ 
အိမ်ကမုန်ညှင်းစေ့ကို ရှာရသလိုခက်နေပြီလား... 
ကျနော်တို့အားလုံး ငြိမ်းချမ်းရေးလမ်းစပျောက်ဆုံးေ
နပြီကြလား... 
တကယ်ပဲ အဓမ္မကို ဓမ္မနဲ့ အစားမထိုးနိုင်ကြတော့ဘူးလား... 
ကျနော်တို့လူသားတွေဟာသေတဲ့အထိပဲ မိုက်တွင်းနက်နေကြစဲပဲလား...
 ကျနော်မထင်ပါဘူးခင်ဗျာ 
 တနေ့ကျရင်
ယဉ်ကျေးတဲ့လူသားတွေဟာ 
တနေ့ကျရင် 
လူမသေဖူးတဲ့အိမ်မှာပဲ ...
မုန်ညှင်းစေ့ကိုရှာလို့တွေ့နိုင်ကြမယ်လို့ 
ကျနော်မျှော်လင့်မိပါတယ်... 
 (ကဗျာဆရာ ကိုငြိမ်းဝေ)

ပေါက်တော ပစ်ခတ်မှု ၁၄ ဦး ဒဏ်ရာရ

Monday, June 11, 2012 

  Sithu Linn  


ပေါက်တောမြို့ နောက်ဆုံးရသတင်းများ (ဇွန် ၁၁)

၁၆၃၀ နာရီချိန်တွင် ဘုံဝန်ချောင်းအနောက်ဝစုကျေးရွာမှ ဘင်္ဂါလီလူမျိုး (၁၈၀၀)ခန့်သည် ကပ်လျက် တည်ရှိသော ရပ်ကွက်(၄)မှ ရခိုင်တိုင်းရင်းသား (၂၀၀၀)ခန့်တို့နှင့် ထိပ်တိုက်ရင်ဆိုင်မှု ဖြစ်ပွားခဲ့သည်။

ယင်းသို့ ထိပ်တိုက်ရင်ဆိုင်ချိန်တွင် ရပ်မိရပ်ဖများ၊ ရဲတပ်ဖွဲ့ဝင်များက တားဆီးခဲ့သော်လည်း တား၍ မရခဲ့ပေ။ ၄င်းနောက် ၁၇၀၀ နာရီချိန်တွင် တပ်မတော်ကို အုပ်ချုပ်မှုအာဏာလွှဲပြောင်းပေးခဲ့ရာ ယင်းအုပ်စု (၂)စု အကြားတွင် တပ်မတော်မှ တံတိုင်းကာ၍ စည်းများ သတိပေးပြောကြားကာ တားမြစ်ခဲ့သည်။

သို့သော်လည်း နှစ်ဘက်စလုံးမှ နောက်မဆုတ်ဘဲ တစ်ဘက်နှင့်တစ်ဘက် မီးရှို့ထားသော ဓါတ်ဆီ ပုလင်းများ၊ ခဲများဖြင့် ပစ်ခတ်ကာ ဆက်တက်လာခဲ့သည်။ နှစ်ဘက်စလုံးအား တက်မလာဘဲ နောက်ဆုတ်ကြရန် ထပ်မဲ ပြောကြားခဲ့သော်လည်း လက်မခံဘဲ တက်လာကြသဖြင့် တပ်မတော်မှ ပစ်ခတ်ရှင်းလင်းခဲ့သည်။

ယင်းသို့ ပစ်ခတ်ခဲ့မှုကြောင်း ဘင်္ဂါလီလူမျိုး ၁၀ ဦး(၁ ဦးစိုးရိမ်ရ၊ ၉ ဦး မစိုးရိမ်ရ) ဒဏ်ရာရရှိခဲ့ပြီး ရခိုင်တိုင်းရင်းသား (၄)ဦး (မစိုးရိမ်ရ) ဒဏ်ရာရရှိခဲ့သည်။

ညွှန်း - သမ္မတရုံးအရာရှိတဦး၏ ဖေ့စ်ဘုတ် - http://www.facebook.com/hmuu.zaw

http://blog.irrawaddy.org/2012/06/blog-post_2950.html

ရခိုင်- ပြန်လည်ထူထောင်ရေးအတွက် အလှူခံ နှိုးဆော်

Tuesday, June 12, 2012 



ရခိုင်ပြည်နယ် က အိုးအိမ်မဲ့များနဲ့ ဒုက္ခရောက်နေသူများအတွက် ပြန်လည်ထူထောင်ရေးများ လုပ်ဆောင်နိုင်ဘို့ အလှူရှင်များသို့ ယနေ့ နိုင်ငံပိုင် သတင်းစာများပါ နှိုးဆော်စာနဲ့ ကာကွယ်ရေး ဦးစီးချုပ် ရုံး (ကြည်း) ကလည်း ဆီ၊ ဆန်၊ ဆားများ လှူဒါန်းကြကြောင်းပါ။
http://blog.irrawaddy.org/2012/06/blog-post_2950.html

သင်္ချိုင်းကုန်းဘေးမှာ ဘာကြောင့်နေရတာလဲ

Monday, June 11, 2012
Sithu Linn

ရန်ကုန်နဲ့အနီးတ၀ိုက်မှာ တွေ့ရတဲ့သူတွေအကြောင်း ဖြစ်ပါတယ်။

ဧရာဝတီရုပ်သံမှာ ကြည့်ရှုနိုင်ပါပြီ
TV,ရုပ်သံ

The Life of the homeless in Rangoon 


အသားထဲကလောက်ထွက်သော ပြည်ပရှိ မြန်မာမီဒီယာများ

ကျုပ် သတင်းစာသမားဘ၀က သတင်းစာတွေကို "ပြည်သူတို့၏ စကားပြန်" ရယ်လို့ ကင်ပွန်းတပ်ခဲ့ဖူးတယ်။ ပြည်သူအများ ခံစားနေရတာတွေ၊ ပြည်သူအများ လိုလားနေကြတာတွေ၊ ပြည်သူအများ ဆန္ဒဖော်ထုတ်နေကြတာတွေကို သတင်းစာတွေက စကားပြန်ပေးနေကြတယ်လို့ ဆိုလိုတာပါဟု ဟံသာဝတီ ဦးဝင်းတင်က ပြောကြားခဲ့သည်။

"သတင်းစာဆရာဆိုတာ သတင်းစာပညာကို အမှန်တကယ်တတ်ကျွမ်းပြီး သတင်းစာဆရာတယောက်ရှိရမယ့် ကိုယ်ကျင့်တရားတွေ ပြည့်စုံစွာနဲ့ ဒီပညာနဲ့ အသက်မွေးဝမ်းကျောင်းပြုပြီး ပြည်သူကိုအကျိုးပြုမယ်ဆိုရင် သူတို့ဟာ လူ့ဗြဟ္မာကြီးတွေပါ။" ဟု ၀ါရင်သတင်းစာသမားကြီးများကလည်း မှတ်ချက်ပြုခဲ့သည်။

သို့သော် မြန်မာပြည်တွင် ဖြစ်ပေါ်လျှက်ရှိသော ဘင်္ဂါလီကုလားများ ရခိုင်တိုင်းရင်းသားများမြေပေါ်တွင် အကြမ်းဖက်ကျူးကျော်မှုနှင့်ပတ်သတ်၍..........

ပြည်ပမီဒီယာများသည် သတင်းစာကျင့်ဝတ်ကိုဖောက်ဖျက်ကာ ၀ါရင့်သတင်းစာဆရာကြီးများ၏စကားကို ဖောက်လွဲဖောက်ပြန်ပြုကြလေပြီ။

ပြည်ပရှိ မြန်မာမီဒီယာများသည် မြန်မာတိုင်းရင်းသားအပေါင်းတို့၏ ဆန္ဒသဘောထားနှင့်ဆန့်ကျင်ကာ တိုင်းပြည်နှင့်လူမျိုးအပေါ် သစ္စာဖောက်လျက်ရှိလေပြီ။

ပြည်ပမီဒီယာများသည် ဒေါ်လာမျက်နှာတခုတည်းကြည့်ကာ မြန်မာပြည်ကို အိုးမည်းသုတ်လျက် ရှိကြလေပြီ။

ပြည်ပမီဒီယာများသည် ဘင်္ဂါလီကုလားကို အဖေခေါ် အမေကျော်ဒွေးတော်လွမ်းကြလေပြီ။

မောင်ပါလ

Hlaing Bwa https://www.facebook.com/hlaingb/posts/344523848952248?notif_t=like
Hlaing Bwa
လှိုင်ဘွား facebook account မှာ လာအက်ဒ်ခဲ့တဲ့ ပြည်တွင်းပြည်ပ BBC သတင်းထောက်အားလုံး မိမိဖာသာ block လုပ်ပေးပါ ...
လှိုင်ဘွား/၈၈

G W မျိုးဆက်သစ်လူငယ်များ သဘောထားထုတ်ပြန်ချက် ..




























G W မျိုးဆက်သစ်လူငယ်များ သဘောထားထုတ်ပြန်ချက် ..





~

ရခိုင်ဒေသ လက်ရှိ ပဋိပက္ခနဲ့ ပတ်သက်ပြီး မျိုးဆက်သစ်လူငယ်များအဖွဲ့ရဲ့ ထုတ်ပြန်ချက်တစောင် ဒီကနေ့ရက်စွဲနဲ့ ထွက်ပေါ်လာပါတယ်။

ဒီမှာ http://2.bp.blogspot.com/-W-A2gSvGe00/T9X5tbdpc-I/AAAAAAAAHXw/R2Mti7EtIrY/s1600/00%2Bgw.jpg ဖတ်နိုင်ပါပြီ။

အဖွားအိုတစ်ဦး ရဲ့  သောကမီး



စစ်တွေမြို့ကယ်ဆယ်ရေးစခန်းမှ အဖွားအိုတစ်ဦး

Old women at Sittwe Refugee Camp.

ရခိုင်မှာ အကြမ်းဖက်တာ အမေရိက ကို အတုယူကြတဲ့ ခေတ်သစ်ကုလားများ




























သားဖြိုး ...




Rakhine State of Myanmar was attached by rohingya terrorists. Native Aranakese villages, in Rakhine State, Myanmar were burnt down by Bengali so-called Rohingya.


Any differences between Rohingya terrorist attacks in Rakhine State of Myanmar and 9/11 World Trade Center terrorist attack or 26/11 Mumbai Attacks....


After 9/ 11 American and alliances attack the terrorists all over the world for their national security. Moreover, american president, Barack Obama said, "We are not at war with Islam, We are at war with extremists who enage in destructive acts".

Now, in Rakhine state of Myanmar, we are protecting our own homeland from Rohingya terrorist attacks. It was not a spate of violence involving Buddhists and Muslims or not the religious clashes.

I am wondering why the world's famous medias are more concerned with Rohingya, the illegal immigrant terrorists. Why don't they concern native Arakan and national security of our homeland, Myanmar.

အယ်လ်ကိုင်ဒါနှင့် ဆက်သွယ်သော ရိုဟင်ဂျာခေါင်းဆောင်နှစ်ဦးကို သက်ဆိုင်ရာ ဖမ်းဆီး

The Voice Weekly's
 status.


ရန်ကုန်၊ ဇွန် ၁၁

ရခိုင်ပြည်နယ်တွင် ဆူပူအကြမ်းဖက်မှုများဖြစ်ပွားစေရန် လှုံ့ဆော်ဦးဆောင်ကြသူများတွင် ပါဝင်သည်ဟု ယူဆရသူ ရိုဟင်ဂျာခေါင်းဆောင်နှစ်ဦးကို သက်ဆိုင်ရာက ယနေ့တွင် ဖမ်းဆီးလိုက်ကြောင်း အာဏာပိုင်များထံမှ စုံစမ်းသိရှိရသည်။

အဆိုပါဖြစ်စဉ်တွင် ဒေါက်တာထွန်းအောင်ကို မောင်တောမြို့နယ် သုံးမိုင်တွင် သက်သေအထောက်အထားခိုင်လုံစွာဖြင့် ယနေ့ မွန်းလွဲ ၃ နာရီကျော်ခန့်တွင် ဖမ်းဆီးရမိခဲ့ပြီး စစ်တွေမှ ရန်ကုန်သို့ ထွက်ခွာမည့် Air Kanbawza လေယာဉ်၊ ထိုင်ခုံနံပါတ်-၆ တွင် လိုက်ပါစီးနင်းမည်ဟု လက်မှတ်ဝယ်ယူထားသော ၄င်း၏သမီးဖြစ်သူကိုမူ အယ်လ်ကိုင်ဒါနှင့်ဆက်သွယ်သော စာရွက်စာတမ်းများနှင့်အတူ သက်သေအထောက်အထားခိုင်လုံစွာဖြင့် ယနေ့ နံနက်ပိုင်းတွင် ဖမ်းဆီးရမိခဲ့ကြောင်း သက်ဆိုင်ရာထံမှ သိရှိရသည်။

ဘင်္ဂလားဒေ့ရှ် နယ်စပ်ရှိ ရခိုင်များကို ဘင်္ဂလားဒေရှ့်အစိုးရ လုံခြုံရေး ယူပေးထား







မြန်မာ - ဘင်္ဂလားဒေ့ရှ် နယ်ခြား နတ်မြစ်နှင့် မောင်တောဘက်ခြမ်းရှိ တောင်တန်းများကို ဘင်္ဂလားဒေ့ရ်ှဘက်မှ မြင်တွေ့ရစဉ် (ဓာတ်ပုံ - ငြိမ်းချမ်း၊ ဒါကာ)
မြန်မာနိုင်ငံ အနောက်ဘက်ရှိ ဘင်္ဂလားဒေ့ရှ် နိုင်ငံတွင် နေထိုင်နေသော ရခိုင်လူမျိုးများအတွက် ဘင်္ဂလားဒေ့ရှ် နယ်ခြားစောင့် တပ်များက လုံခြုံရေး ယူပေးထားကြောင်း စုံစမ်းသိရှိရသည်။
အဓိကရုဏ်းများ ဖြစ်ပွားမှုကြောင့် မြန်မာအစိုးရက အရေးပေါ် အခြေနေထုတ်ပြန်ထားရသည့် ရခိုင်ပြည်နယ် မောင်တော မြို့နှင့် ထိစပ်လျှက်ရှိသော ဘင်္ဂလားဒေ့ရ်ှနိုင်ငံ ကော့စ်ဘာဇား ခရိုင် တက္ကနာ မြို့ထဲမှ ရခိုင်ကျေးရွာများကို ဘင်္ဂလားဒေ့ရှ် နယ်ခြားစောင့်တပ် (BGB) က ယခုလ ၈ ရက်နေ့မှ စတင်ကာ လုံခြုံရေးယူပေးထားကြောင်း ယင်းဒေသတွင် နေထိုင်သော မြန်မာ နိုင်ငံသားများက ဆိုသည်။
“မောင်တောဘက်မှာ ဖြစ်တဲ့နေ့ ကတည်းကစပြီး ဒီဘင်္ဂလားဒေ့ရှ် နယ်စပ် နတ်မြစ် တစ်လျှောက် တက္ကနာ မြို့နယ် အတွင်းမှာ ရှိတဲ့ ရခိုင်ရွာတွေကို BGB တပ်တွေချထားပြီး လုံခြုံရေးယူထားတယ်။ အဲဒီရခိုင်ရွာက လူငယ်တွေကလည်း အလှည့်ကျ အနေနဲ့ ကင်းစောင့် နေကြတယ်” ဟု ဘင်္ဂလားဒေ့ရ်ှနိုင်ငံ ဒါကာမြို့တွင် နေထိုင်သူ သတင်းထောက် တဦးက ဧရာဝတီသို့ ပြောသည်။
ဘင်္ဂလားဒေ့ရှ် နယ်စပ်တွင် လုံခြုံရေး အဓိက ယူပေးထားရသည့် ရခိုင်ရွာများဖြစ်သော တက္ကနာ၊ မြစ်နားရွာ၊ ခြံခြောင်းရွာများ အပါအဝင် ရခိုင်ရွာ ၁၀ ရွာထက်မကရှိနေပြီး လူဦးရေ အနည်းဆုံး ၂၀၀၀ ကျော်နေထိုင်ကြောင်း သိရသည်။ အများစုမှာ ဘင်္ဂလားဒေ့ရှ် နိုင်ငံသား မှတ်ပုံတင် ရှိသူများဖြစ်သည်။
ထိုရွာများတွင် ယခင်က ဘာသာရေး၊ လူမျိုးရေးကြောင့် သတ်ဖြတ်မှု တချို့ရှိခဲ့ကြောင်း၊ မြန်မာနိုင်ငံဘက် မောင်တော မြို့နယ်တွင် အဓိကရုဏ်းများ ဖြစ်နေချိန် ၎င်းတို့ထံ ကူးစက်လာမည်ကို စိုးရိမ်နေကြသော်လည်း ယနေ့ထိ ဘေးကင်းစွာ နေနိုင်ဆဲဖြစ်ကြောင်း ဘင်္ဂလားဒေ့ရှ် နယ်စပ်ရှိ မြန်မာနိုင်ငံသားများကပြောသည်။
“ဒီဘက်ကိုတော့ ကူးစက်မလာဘူး။ ဘင်္ဂလားဒေ့ရှ် အစိုးရကလည်း ကူးစက်မလာအောင် လုံခြုံရေး လုပ်ပေးထားတဲ့ သဘောပေါ့လေ။ ဒီဘက်မှာတော့ အခြေအနေ အေးအေးဆေးဆေးပါ” ဟု ကော့ဘာဇားမြို့တွင် နေထိုင်သည့် မြန်မာတဦးက ဆိုသည်။
ယခုလ ၈ ရက်နေ့က ရခိုင်ပြည်နယ် မောင်တော မြို့ပေါ်တွင် ဘင်္ဂါလီတို့က ဒေသခံ ရခိုင်နှင့် တခြား တိုင်းရင်းသားတို့ နေထိုင်သော အိမ်နှင့် အဆောက်အဦးများကို ဖျက်ဆီးခဲ့ပြီး သတ်ဖြတ်မှုတချို့ ရှိခဲ့သည်။ ထိုအခြေအနေများ ကူးစက်မှုမဖြစ် စေရန် ယင်းနေ့ ညနေပိုင်းတွင်ပင် ဘင်္ဂလားဒေ့ရှ် အစိုးရက နယ်စပ်ရှိ ဘာသာရေးအဖွဲ့ခေါင်းဆောင်များနှင့် ညှိနှိုင်းကာ ရခိုင်ကျေးရွာများ အနီး လုံခြုံရေး ချထားခဲ့ခြင်းဖြစ်သည်။
မြန်မာနိုင်ငံဘက်တွင် အဓိကရုဏ်းဖြစ်ပွားမှုကြောင့် ဆက်သွယ်ရေးလမ်းကြောင်းများ ပြတ်တောက်ပြီးနောက် ယနေ့မနက်ပိုင်း တွင် ဘင်္ဂလားဒေ့ရှ် နယ်စပ် အာဏာပိုင်များက တက္ကနာရှိ နှစ်နိုင်ငံ ကုန်သွယ်ရေး ဂိတ်ကို ယာယီ ပိတ်ထားလိုက်ပြီဖြစ်သည်။
ထို့အတူ နယ်စပ်တလျှောက် တက္ကနာမြို့နယ်၊ လေးဒန်းကျေးရွာ၊ ဦးကီယာမြို့နယ် ကူတူပါလန် တို့တွင်ရှိသော တရားမဝင် ရိုဟင်ဂျာ ဒုက္ခသည် စခန်းများ၊ ကမ္ဘာ့ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) လက်အောက်ရှိ တက္ကနာမြို့နယ် နော်ယာပါရာနှင့် ဦးကီယာ မြို့နယ်၊ ကူတူပါလန် ဒုက္ခသည် စခန်းများကို ဘင်္ဂလားဒေ့ရှ် ရဲများက လုံခြုံရေး တိုးမြှင့် ချထားလိုက်ကြောင်း သိရသည်။
“လောလောဆယ်တော့ အန္တရာယ်ပေးမယ့် အနေအထားတွေ မရှိဘူး။ ဒါပေမယ့် လူတွေကတော့ ကြောက်နေကြတာပေါ့နော်။ UNHCR ကတော့ အရေးပေါ် တခုခုဖြစ်ရင် ဆက်သွယ်ဖို့ သက်ဆိုင်ရာ ဒေသအာဏာပိုင် ဖုန်းနံပတ်တွေ လိုက်ဝေထားတယ်” ဟု ကော့ဘာဇားမြို့ပေါ်တွင် နေထိုင်သူက ပြောသည်။
မြန်မာနိုင်ငံဘက်ခြမ်း မောင်တောမြို့နှင့် နတ်မြစ် တစ်လျှောက်တွင် နယ်စပ်ဒေသ လူဝင်မှု စစ်ဆေးရေးနှင့် ကွက်ကဲမှုဌာန (နစက) တပ်ဖွဲ့ဝင်များနှင့် လုံထိန်းအဖွဲ့များက လုံခြုံရေးယူထားသည်ကို တွေ့မြင်ရကြောင်းနှင့် ယနေ့မနက်ပိုင်းတွင် မြို့ပေါ်ရှိ ဗိုလ်မှူးကျေးရွာတွင် မီးရှို့မှု ထပ်ဆင့်ဖြစ်ပွားခဲ့သေးကြောင်း မောင်းတော ဒေသခံများထံမှ စုံစမ်းသိရှိရသည်။
ဇွန်လ ၈ ရက်နေ့က မောင်တောမြို့နယ်အတွင်း အဓိကရုဏ်းများကြောင့် ညမထွက်ရ အမိန့် ပုဒ်မ ၁၄၄ ထုတ်ပြန်ထား သော်လည်း စစ်တွေနှင့် တခြားမြို့များအထိပါ ပြန့်နှံ့ခဲ့ရာ ဒေသခံပြည်သူလူထု လုံခြုံရေးနှင့် တည်ငြိမ်အေးချမ်းစွာ နေထိုင်နိုင်ရေး အတွက် ယမန်နေ့တွင် ရခိုင်ပြည်နယ်အတွင်း အရေးပေါ်အဆင့် ကြေညာချက်ကို နိုင်ငံတော်သမ္မတက ထုတ်ပြန်လိုက်သည်။
http://www.irrawaddy.org /

မိုးထိ-မိုးမိ ရွှေလုပ်သားများ နေပြည်တော်သို့ ချီတက် ဆန္ဒပြ

Hits: 2,571


မိုးထိ-မိုးမိတောင် တနိုင်တပိုင် ရွှေတူးသမားများ လုပ်ပိုင်ခွင့် ပြန်ရရေး ဆန္ဒပြနေစဉ် (ဓာတ်ပုံ - ခင်သြ / ဧရာဝတီ)
မန္တလေးတိုင်း ရမည်းသင်းမြို့နယ်ရှိ မိုးထိ-မိုးမိတောင်မှ တနိုင်တပိုင် ရွှေတူးလုပ်သား ၂၀၀၀ ကျော်သည် တောင်းဆိုမှုများကို ကုမ္ပဏီက မလိုက်လျောသဖြင့် ရွှေတောမှ နေပြည်တော်သို့ ယနေ့နံနက် ၁၀ နာရီမှ စတင်၍ လမ်းလျှောက်ချီတက် ဆန္ဒပြနေကြောင်း သတင်းရရှိသည်။
မိုးထိ-မိုးမိတောင် ရွှေသတ္တုတူးဖော်ရေးကို နိုင်ငံတော်နှင့် အကျိုးတူ ပူးပေါင်းဆောင်ရွက်ခွင့် ရရှိထားသည့်
အမျိုးသားကြီးပွား တိုးတက်ရေး ကုမ္ပဏီသို့ ရွှေတူးလုပ်သားများက လုပ်ငန်း ပြန်လည်လုပ်ပိုင်ခွင့် ရရှိရန်အတွက် အချက် ၆ ချက်ကို ဇွန်လ ၁ ရက်နေ့မှစ၍ ဆန္ဒပြတောင်းဆိုရာတွင် ဇွန်လ ၇ ရက်နေ့အထိ တစုံတရာ အဖြေပေးခြင်း မရှိသည့်အတွက် နေပြည်တော်ရှိ အမျိုးသားကြီပွားတိုးတက်ရေး ကုမ္ပဏီရှိရာသို့ လမ်းလျှောက်ချီတက် ဆန္ဒပြကြခြင်းဖြစ်ကြောင်း သိရသည်။
“မနက် ၁၀ နာရီကနေ မိုးထိ-မိုးမိဒေသဘက်ကို သွားနေတာ။ တောင်ပေါ်လမ်းတလျှာက်တော့ လူအင်အား ၂၀၀၀ ကျော်လောက်ပါတယ်။ နေပြည်တော်ဘက်အထိ ချီတက်ဖို့ ဆုံးဖြတ်ပြီးပါပြီ” ဟု ချီတက်ဆန္ဒပြသည့်အဖွဲ့တွင် ပါဝင်သူတဦးက ပြောသည်။
လမ်းလျှောက် ချီတက်ဆန္ဒပြသည့် လူ ၂၀၀၀ ကျော်တွင် ဆရာတော် ၁၁ ပါးက ရှေ့ဆုံးမှ ဦးဆောင် ချီတက်လာကြောင်း၊ မိုးထိ-မိုးမိဒေသတောင်ပေါ်တွင် သီတင်းသုံးနေသော ဆရာတော်များ ဖြစ်ပြီး ကျောင်းထိုင်ဆရာတော် ဦးစန္ဒောဘာသ ဦးဆောင်ကြောင်း သိရသည်။
“ဘုန်းကြီးတို့လည်း အလုပ်သမား ဒကာတွေရဲ့ ဒုက္ခဆင်းရဲရောက်နေတာကို မကြည့်ရက်နိုင်လို့ ဒီလိုပါဝင်ခဲ့တာပါ။ ဘုန်းကြီးက မိုးထိ-မိုးမိဒေသရဲ့ ကျောင်းထိုင်ဘုန်းကြီးပါ” ဟု ဆရာတော် ဦးစန္ဒောဘာသာက ဧရာဝတီသို့ မိန့်ကြားသည်။
ဇွန်လ ၁ ရက်နေ့တွင် ရမည်းသင်းမြို့နယ်အတွင်းရှိ ရွှေလုပ်ကွက်မှ အလုပ်သမား ၅ သောင်းကျော်တို့သည် ၎င်းတို့ လုပ်ငန်းများ ပြန်လည်လုပ်ပိုင်ခွင့် ရရှိရေးအတွက် အမျိုးသားကြီးပွား တိုးတက်ရေး ကုမ္ပဏီကို စတင် ဆန္ဒပြ တောင်းဆိုခဲ့ကြသည်။
“ဇုန် ၁၂ က အင်းလုပ်သားတွေ ဆနပြဖို့အတွက် ခြေကျင်လျှောက်သွားကြတယ်။ ကားနဲ့သွားဖို့ စီစဉ်ပေမယ့် ဂိတ် ၂ က ကားတက်ခွင့် မပြုလို့ ခြေကျင်သွားကြတာ။ မိုးတွေတအား ရွာနေတာကြောင့် လူ ၂၀၀၀ ကျော်လောက်ပဲ သွားနိုင်ကြတယ်” ဟု ၄င်းဒေသတွင် ဈေးရောင်းနေသူတဦးက ပြောသည်။
လမ်းလျှောက်ချီတက် ဆန္ဒပြနေသည့် အချိန်တွင် မိုးများရွာသွန်းနေခြင်း၊ တောင်အောက် ဆင်းရန် ကားစီစဉ်ရာတွင် လမ်းရှိ ကုမ္ပဏီပိုင် ဂိတ်များမှ ကားများကို တောင်ပေါ်တက်ခွင့် မပေးခြင်းတို့ကြောင့် လူအင်အား နည်းနေရခြင်းဖြစ်သည်ဟု ယင်းဆန္ဒပြပွဲတွင် ပါဝင်သူတဦးကလည်း ပြောဆိုသည်။
မိုးထိ-မိုးမိဒေသနှင့် ရမည်းသင်းမြို့သည် မိုင်ပေါင်း ၃၀ ကျော်ခန့် ဝေးသည်။ ဆန္ဒပြသူများသည် ယနေ့ညနေတွင် ရမည်းသင်းမြို့နယ်နှင့် ၇ မိုင်ခန့်ဝေးသည့် ရွှေမြင်တင်ဘုရားတွင် ညအိပ်နားခိုကြမည် ဖြစ်သည်။
နောက်တနေ့ နံနက်တွင် နေပြည်တော်သို့ လမ်းလျှောက်မည်ဖြစ်ပြီး အမျိုးသား ကြီးပွားတိုးတက်ရေး ကုမ္ပဏီ ရုံးချုပ်ရှေ့သို့ သွားရောက် ဆန္ဒပြကြမည်ဟု သိရသည်။
ရမည်းသင်းမြို့မှ နေပြည်တော်သို့ မိုင် ၁၀၀ ကျော်ဝေးပြီး ထိုနေရာသို့ လမ်းလျှောက်သွားလျှင် မနားမနေ ၅ ညအိပ် သွားရမည်ဟု အလုပ်သမားတဦးက ပြောသည်။
ယင်းသို့ လမ်းလျှောက်ချီတက် ဆန္ဒပြသည့်အချိန်တွင် အစိုးရဘက်မှ လက်ရှိအနေထားထိ တစုံတရာ ဟန့်တားနှောင့်ယှက်ခြင်း မရှိသေးကြောင်း၊ ထို့အပြင် မန္တလေးမြို့ပေါ်ရှိ လူမှုကူညီရေး အဖွဲ့များကိုလည်း ရွှေလုပ်သားများက စားရေးသောက်ရေး အကူညီတောင်းထားကြောင်း သိရသည်။
“အခုချိန်ထိတော့ လူမှုကူညီရေးတွေဘက်က တစုံတရာ လာကူညီတာတော့ မရှိသေးဘူး။ အကူညီတော့ တောင်းထားတယ်။ လမ်းတလျှောက်မှာ မိုးထိမိုးမိဒေသကို ဈေးလာရောင်းနေတဲ့ ဈေးသည်တွေက ထမင်းတွေကျွေးကြ၊ ခေါက်ဆွဲကြော်နဲ့ ကြာဇံကြော်တွေ ကျွေးတာတွေတော့ ရှိပါတယ်။ လမ်းတလျှောက် စားဝတ်နေရေးကတော့ အခြေနေပေါ် မူတည်ပြီး လုပ်ရမှာပါ” ဟု ယင်းဆန္ဒပြပွဲတွင် လိုက်လံကူညီနေသည့် နိုင်ငံရေးအကျဉ်းသားများ ကူညီရေး အကျိုးဆောင် ကွန်ယက်မှ ကိုသောင်းထိုက်က ပြောသည်။
ဆန္ဒပြသူများသည် လက်ရှိတွင် လူ ၂၀၀၀ ကျော်ဟု ဆိုသော်လည်း လမ်းတလျှောက်ရှိ ဒေသခံများနှင့် ပူးပေါင်းနိုင်ဖွယ်ရှိကြောင်း၊ ထို့အပြင် တောင်ပေါ်မှ ထပ်ပြီးဆင်းလာမည့်သူများလည်း ရှိနေကြောင်း ကိုသောင်းထိုက်က ဆက်ပြောသည်။

အရေးပေါ်အခြေအနေ ကြေညာချက် နိုင်ငံရေးသမားများ ထောက်ခံ




လင်းသန့်| June 11, 2012 |

ယမန်နေ့ ညပိုင်းက ရခိုင်ပြည်နယ် ပဋိပက္ခနှင့် ပတ်သက်ပြီး မိန့်ခွန်းပြောနေသော သမ္မတ ဦးသိန်းစိန်(ဓာတ်ပုံ - သမ္မတရုံး ၀က်ဘ်ဆိုက်)

သမ္မတ ဦးသိန်းစိန်က ဇွန်လ ၁၀ ရက် ညမှ စတင်၍ ရခိုင်ပြည်နယ်ကို အရေးပေါ် အခြေအနေ ကြေညာလိုက် သည့် အပေါ် နိုင်ငံရေး အင်အားစုများက ထောက်ခံကြကြောင်း သတင်းရရှိသည်။

“တိုင်းပြည်အတွက် အရေးပေါ် အခြေအနေ လိုအပ်လာပြီဆိုရင်တော့ ဒါဟာ မလွှဲမရှောင်သာ လုပ်ကြရမှာပဲ။ အရပ်ဘက် အဖွဲ့

အစည်းတွေက ထိန်းချုပ်လို့ မရတော့ဘူး၊ နိုင်ငံသားတွေရဲ့ အသက်အုိုးအိမ် စည်းစိမ် ထိခိုက်လာပြီဆိုရင်တော့ စစ်တပ်အုပ်ချုပ် ရေး မလွှဲသာ မရှောင်သာ ၀င်လာရတော့မှာပဲလေ။ ဒါပေမယ့် စစ်အုပ်ချုပ်ရေးကို ကျနော်တို့ မလိုလားဘူး၊ ဒါကိုလည်း ကွဲကွဲပြားပြား ဖြစ်စေချင်တယ်”ဟု ၈၈ မျိုးဆက်ကျောင်းသား အဖွဲ့မှ ကိုကိုကြီး က ဧရာဝတီကို ပြောသည်။

ပြည်သူ့ဘ၀ အသက် အိုးအိမ် စည်းစိမ် လုံခြုံရေးကို လုံခြုံရေးဆိုင်ရာ အဖွဲ့အစည်းများကသာ တာဝန်ယူရခြင်း မဟုတ်ဘဲ နိုင်ငံရေး အဖွဲ့အစည်းများ၊ လူမှုရေးနှင့် အရပ်ဘက်အဖွဲ့အစည်းများကလည်း တတ်နိုင်သလောက် ၀ိုင်းပြီးထိန်းသိမ်း နေကြကြောင်း၊ ထို့ကြောင့် မကြာမီတွင် ပုံမှန်အခြေအနေ ပြန်ရောက်လိမ့်မည်ဟု မျှော်လင့်ကြောင်း သူက ဆက်ပြောသည်။

အရပ်သား အစိုးရ ပြောင်းပြီး နောက်ပိုင်း အရေးပေါ်အခြေအနေ ကြေညာခြင်းသည် ပထမဆုံး အကြိမ်လည်း ဖြစ်သည်။

ဦးသိန်းစိန်က ရခိုင်ပြည်နယ်အတွင်း မတည်ငြိမ်မှုများ၊ အကြမ်းဖက်မှုများ ပိုမိုကျယ်ပြန့်လာပြီး ပုဒ်မ ၁၄၄ အမိန့်ထုတ်ကာ ထိန်း သိမ်းသော်လည်း ဆောင်ရွက်မရတော့သည့်အတွက် ဥပဒေကဲ့သို့ အာဏာတည်သော အမိန့်အမှတ် ၁/၂၀၁၂ ဖြင့် အရေးပေါ် အခြေအနေ ကြေညာလိုက်ပြီး တပ်မတော်၏ အကူအညီကို ရယူဆောင်ရွက်မည်ဟု ဆိုသည်။

အမျိုးသား ဒီမိုကရေစီအဖွဲ့ချုပ်(NLD) ပါတီခေါင်းဆောင် ဦးတင်ဦးက“အရေးပေါ်အခြေအနေ ကြေညာရတဲ့ အထိ ဆိုတာကတော့ မလိုလား အပ်ဘူးပေါ့၊ သို့သော်လည်း အခြေအနေ အရပ်ရပ်အရ တာဝန်ရှိတဲ့ သမ္မတလို ပုဂ္ဂိုလ်မျိုးက မြန်မြန် အေးချမ်းမှု ရအောင် အတွက် ဒီလိုပဲ နောက်ဆုံး သုံးလိုက်ရတာပေါ့”ဟု ဧရာဝတီကို ပြောသည်။

အခြေအနေ တဖြည်းဖြည်း ပိုမိုဆိုးဝါးလာသည်ကို အကြောင်းပြု ဖြစ်ပေါ်လာခြင်းဖြစ်ကြောင်း၊ အမြန်ဆုံးလုပ်ရမည့် ကိစ္စသည် တရား ဥပဒေစိုးမိုးရေးနှင့် ဒေသတည်ငြိမ်ရေး လုပ်ဆောင်ရန်လိုကြောင်း၊ ထို့ကြောင့် ယခုကဲ့သို့အချိန်တွင် စည်းလုံးညီညွတ်စွာဖြင့် အားလုံး ၀ိုင်းဝန်း လုပ်ကိုင်သင့်ကြောင်း သူက ဆက်ပြောသည်။

အမျိုးသား ဒီမိုကရေစီ အင်အားစုပါတီ(NDF) ခေါင်းဆောင်တဦးဖြစ်သူ ဦးခင်မောင်ဆွေကလည်း“နိုင်ငံတည်ဆောက်မှုကို သွားနေ တဲ့အချိန်မျိုးမှာ အားလုံး ၀ိုင်းဝန်းကူညီဖြေရှင်းတာ အကောင်းဆုံးလို့ ထင်ပါတယ်။ နိုင်ငံရေး ပါတီတွေရဲ့အကူအညီကို ယူပြီး သွားမယ်ဆိုရင် အကောင်းဆုံးဖြစ်လာမယ်လို့ ထင်ပါတယ်”ဟု ဆိုသည်။

ယခု ဥပဒေနှင့် ဖြေရှင်းရမည့် ကိစ္စကို အချိန်မီ မထိန်းသိမ်းနိုင်၍ ကျယ်ပြန့်သွားသည့်ကိစ္စ ဖြစ်ကြောင်း၊ လူမျိုးရေး၊ ဘာသာရေး ကိစ္စ မဟုတ်ကြောင်း၊ အရေးပေါ် အခြေအနေ အမိန့်သုံး၍ ယာယီငြိမ်သက်သွားရန်လုပ်သည်ထက် နောက်ဆက်တွဲ ဆက်လက်မဖြစ် ပေါ်ရန် အားလုံး စနစ်တကျ ပူးပေါင်းဆောင်ရွက်ရန် လိုကြောင်းလည်း သူက ဆက်ပြောသည်။

ယမန်နေ့ညကလည်း သမ္မတ ဦးသိန်းစိန်က ရခိုင်ပြည်နယ်ကိစ္စနှင့်ပတ်သက်၍ ရုပ်မြင်သံကြားမှ မိန့်ခွန်း ပြောကြား ခဲ့သေးသည်။

“ဒီလို လူမျိုးစွဲ၊ဘာသာစွဲတွေကို ရှေ့တန်းတင်ပြီး မဆုံးနိုင်တဲ့ မုန်းတီးမှုတွေ၊ လက်စားချေလိုမှုတွေနဲ့ မင်းမဲ့စရိုက်တွေ ကို ရှေ့တန်းတင်လျက် တဘက်နဲ့တဘက်အပြန်အလှန် အကြမ်းဖက် သတ်ဖြတ်နေကြမယ်ဆိုရင် ရခိုင်ပြည်နယ်တွင်သာမကပိုမို ကျယ် ပြန့် ဖြစ်ပွားလာစေနိုင်တဲ့ အန္တရာယ်ရှိပါတယ်”ဟု သမ္မတ ဦးသိန်းစိန်က ဆိုသည်။

ရခိုင်ပြည်နယ် ကျောက်နီမော် ဒေသ၌ ရခိုင်အမျိုးသမီးငယ်တဦးအား မတရားပြုကျင့် သတ်ဖြတ်မှုမှ စတင်၍ မငြိမ်မသက်မှု များ ဆက်တိုက်ဖြစ်ပွားလာခဲ့ရပြီး ရခိုင်ပြည်နယ်တွင်း မြို့နယ် ၆ မြို့နယ်ကို နေ၀င်မီးငြိမ်း၊ ညမထွက်ရ အမိန့် ပုဒ်မ ၁၄၄ ထုတ်ပြန် ထိန်းသိမ်း ခဲ့ရသည်။

လူ့ အခွင့်အရေး လှုပ်ရှားသူ ချင်း အမျိုးသမီး မချယ်ရီဇာဟောင်း က “အရေးပေါ်အုပ်ချုပ်ရေး ထုတ်ပြန်လိုက်တာဟာ နိုင်ငံရေး မတည်မငြိမ်ဖြစ်မှု ၊ လူမှုရေး မတည်မငြိမ်ဖြစ်မှုကို ဒါဟာ သက်သေပြလိုက်တာပဲလေ။ ကောင်းတဲ့ လက္ခဏာတော့ မဟုတ်ဘူး။ ဒါပေမယ့် အခုလောလောဆယ်မှာ လိုအပ်တယ်တော့ ကျမထင်တာပဲ”ဟု ဆိုသည်။

အနာဂတ်အတွက် အလားတူ ကိစ္စမျိုး မဖြစ်ရန်အတွက် မြန်မာနိုင်ငံ၏ လူဝင်မှု ကြီးကြပ်ရေး ဥပဒေကို ကောင်းမွန်စေရန် ပြင်ဆင် သင့်ကြောင်း၊ သတိထားသင့်သည့် အချက်မှာ တခြား တိုင်းရင်းသား ဒေသများတွင်လည်း ပုံသဏ္ဍန်အားဖြင့် ကွဲပြားသော ပဋိပက္ခများ ရှိနေခဲ့သည်မှာ နှစ်ပေါင်း များစွာ ကြာပြီဖြစ်ကြောင်း၊ နောက်နောင် ယခုကဲ့သို့ မဖြစ်ပေါ်စေရန် ပို၍ သတိထားသင့်ကြောင်း လည်း သူက ဆက်ပြောသည်။

၂၀၀၈ ဖွဲ့စည်းပုံအခြေခံဥပဒေ အခန်း(၁၁) ပုဒ်မ ၄၁၀ ၌ တိုင်းဒေသကြီး၊ ပြည်နယ်၊ ပြည်ထောင်စု နယ်မြေ၊ ကိုယ်ပိုင် အုပ်ချုပ်ခွင့် ရ စီရင်စု စသည့် နယ်မြေတခုခုတွင် အုပ်ချုပ်ရေးလုပ်ငန်းများကို ဖွဲ့စည်းပုံ အခြေခံ ဥပဒေပါ ပြဌာန်းချက်များနှင့်အညီ ဆောင်ရွက် နိုင်စွမ်း မရှိကြောင်း သိရှိလျှင်သော်လည်းကောင်း၊ သက်ဆိုင်ရာ ဒေသအာဏာပိုင်အဖွဲ့အစည်းက တင်ပြလျှင်သော် လည်းကောင်း၊ နိုင်ငံတော် သမ္မတ သည် အမျိုးသားကာကွယ်ရေးနှင့်လုံခြုံရေးကောင်စီ နှင့် ညှိနှိုင်းပြီး ဥပဒေကဲ့သို့ အာဏာ တည် သည့် အမိန့် ထုတ်ပြန်၍ အရေးပေါ် အခြေအနေ ကြေညာနိုင်ကြောင်း ပြဌာန်းထားသည်။