ပြောင်းလဲသွားတဲ့ဗမာပြည်လား

by Victor Tan on Saturday, July 14, 2012 at 2:41pm ·

သမိုင်းလမ်းကြောင်း အလှည့်အပြောင်းကို
အခါကောင်း အခွင့်ကောင်း
မတိမ်းမစောင်း စပြောင်းနေပြီလို့
ကမ္ဘောနေပြည်က တဖွဖွနဲ့ပြောကြား
တစစနဲ့ ကြက်သီးတွေ ထထသွားရတဲ့
ဗမာပြည်က သမ္မတ ဦးသိန်းစိန်ရဲ့စကား…။

ကမ္ဘောဒီယားနိုင်ငံအာဆီယံစီးပွားရေးညီလာခံမှာ
အသံမှန်စွာ တသီးတခြားပြောလိုက်တဲ့
ကြီးကြီးမားမား သမ္မတ ဦးသိန်းစိန်ရဲ့စကား
အကြွားမဟုတ် အဟုတ်ကိုကမ္ဘာဖေါ်ထုတ်
မချုပ်မချယ် အဟုတ်တကယ်လုပ်သွားမယ့်
ရွှေရည်စိမ်မဟုတ်တဲ့ ဒီမိုကရေစီလမ်း
လျှောက်လှမ်းနေပြီဖြစ်ကြောင်း
အပြောင်းအလဲ အကောင်းပဲဖြစ်အောင်
ပြည်တွင်းစစ်တွေရပ်စဲ ရေရှည်တည်တံ့
ပြည်သူတွေငံ့နေတဲ့ ပြည်တွင်းငြိမ်းချမ်းရေး
အမြန်မနှေး ဆောင်ရွက်ပေးနေတဲ့အကြောင်း
ဗမာ့စီးပွားရေးကောင်းလာအောင်လည်း
ပြည်တွင်းမြုပ်နှံမှုလမ်းကြောင်းကိုဖွင့်ထား
တဆင့်စကားတဆင့်ကြား ကမ္ဘာတခွင်ဖြန့်လို့ထား
ကောင်းသထက်ကောင်းလာအောင်လည်းမျှော်စောင့်စား။

နှစ်ပေါင်း၆၀ကျော် အထီးကျန်နေခဲ့တဲ့အတွက်
အသီးမသန်ဖြစ်လာတာကို အခါမနှေး
ပြုပြင်ပေးလိုတဲ့အနေနဲ့ ဒီမိုပန်းတိုင်ကိုချီတက်နေပါတယ်။

ကမ္ဘာ့နိုင်ငံအများစုကိုလည်းနားလည်ယုံကြည်မှုယူပြီး
အတူတကွ ပူးပေါင်းဆောင်ရွက်သွားမယ့်အကြောင်း
အာဘောင်ကောင်းကောင်း ပျော့ပျောင်းပျောင်းနဲ့
အချော့ကောင်းတဲ့ ဖခင်လို နားဝင်ချိုစွာ
ဘ၀င်ဖိုစရာနဲ့ ကြည်ညိုစရာလေးမိန့်ကြားသွားပါတယ်။

ဗလောင်ဗလဲမဟုတ်တဲ့ အပြောင်းလဲလုပ်တာဆိုရင်
အကောင်းပဲလို့ယူဆရပါမယ်
မူဝါဒတွေကိုအာဏာရှင်ဟန်ဟိတ်နဲ့
ပြန်လှိမ့်ဖို့ လုံးဝစိတ်မကူးပါနဲ့ အသံတွေတိတ်သွားအောင်
သိုသိပ်ချန်ရစ်ထားသေးတဲ့ နိုင်/ကျဉ်းသားတွေကိုလည်း
ညှဉ်းမထားပါနဲ့တော့ ရှင်းသွားအောင်လွှတ်ပေးပါရန်
ကိုယ့်အပေါ်ဝေဖန် အကြံပေးလှာသူတွေကိုလည်း
ငြိုငြင် အမျက်ပွား ဒေါသတွေမထားဘဲ
ဒီမိုကရေစီနည်းများအရ..လေးစားလက်ခံပေးစေလိုတယ်။

လေးစားရပါတဲ့..

တက္ကသိုလ်ဘုန်းကြွယ် (ဇူလိုင် ၁၃ ၂၀၁၂)