“ကိုယ့်ရဲ့ ဘာသာစကားကို မမေ့ပါနဲ့။ တတ်နိုင်သမျှ ကိုယ့်ရဲ့ ဘာသာစကားကို ပြောပါ။ ကိုယ်ရောက်နေတဲ့ နိုင်ငံရဲ့ ဘာ သာ စကားကို ကျွမ်းကျွမ်းကျင်ကျင် တတ်ဖို့ ဆိုတာ အရေးကြီးပါတယ်။ ကျမ မေမေသင်ခဲ့တဲ့ဟာလေး တခု ပြန်ပြောပါရစေ။ မေမေက အမြဲပဲ ပြောတယ်။ အင်္ဂလိပ်လိုပြောချင်ရင်လည်း အင်္ဂလိပ်လို ပြော၊ ဗမာလို ပြောချင်ရင်လည်း ဗမာလိုပြော။ ဟို ရော ဒီရောရော မလုပ်နဲ့”
ဒေါ်အောင်ဆန်းစုကြည်
ဇွန်လ ၂၂ ရက်နေ့က ဗြိတိန်နိုင်ငံ လန်ဒန်မြို့မှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ဗြိတိန်ရောက် မြန်မာ မိသားစုများနဲ့ တွေ့ဆုံစဉ် ပြောကြားသွား တဲ့ မြန်မာစာ၊ မြန်မာစကားနဲ့ ပတ်သက် လို့ ပြောသွားတာပါ။
“နိုင်ငံခြားမှာ ရောက်နေတဲ့အခါမှာ ကျမ အမြဲပဲ သတိပေးပါတယ်။ ကျမတို့ဟာ အိမ်ရှင်နိုင်ငံကို ကျေးဇူးတရား ရှိရမယ်။ အိမ်ရှင်နိုင်ငံရဲ့ ကျေးဇူး တရားကို ကျမတို့ မေ့လို့ မဖြစ်ဘူး။ အိမ်ရှင်နိုင်ငံ စိတ်ချမ်းသာအောင် ကျမတို့ နေတတ်အောင် အိမ်ရှင်နိုင်ငံက ကျမတို့ရဲ့ ပြည်သူပြည်သားတွေကို လေးစားအောင်လို့ ခင်မင်အောင်လို့ ကျမတို့ နေတတ်အောင် နေ တတ်ရမယ်”
“ကိုယ့်ကိုမွေးထုတ်လိုက်တဲ့ နိုင်ငံရဲ့ ကျေးဇူးတရားကို မေ့သွားတဲ့ သူများဟာ ကိုယ်ကို မွေးစားတဲ့ နိုင်ငံအပေါ် မှာရော တကယ် ကျေးဇူးတရား ရှိနိုင်ပါ့မလားဆိုတာ ကျမ အမြဲပဲ ဒီမေးခွန်းကို ထုတ်ပါတယ်”
“ဒီမိုကရေစီ ပြည့်ပြည့်ဝဝရဖို့ ဆိုတာဟာ အတိုက်အခံဆိုတာဟာ အစိုးရဖြစ်နိုင်တဲ့အဖွဲ့အစည်း ဆိုတာကို ကျမတို့နိုင်ငံက လက်ခံဖို့လိုတယ်။ အခုအထိတော့ ဒီသဘောတရားကိုတော့ သိပ် နားလည်သေးတယ် လို့တော့ ပြောလို့ မရဘူး”
“အမျိုးသား ဒီမိုကရေစီအဖွဲ့ချုပ်ရဲ့ သစ္စာ အရှိဆုံး၊ အခိုင်မာဆုံး မဟာမိတ်ပါတီတွေဟာ တိုင်းရင်းသား မဟာမိတ်ပါတီတွေပဲ။ ကျမတို့နဲ့ အတူတူ အေးအတူ ပူအမျှဆိုတာ အပြောအရ မဟုတ်ဘူး။ အလုပ်အရကို ရပ်တည်ခဲ့တာပါ”
“အခုအချိန်ဆိုလို့ရှိရင် ကျမတို့ နိုင်ငံအတွက် အင်မတန်မှ မကြုံဘူးတဲ့ အခွင့်အရေးတွေ ရနိုင်တဲ့ အချိန်အခါဖြစ်တယ်။ ရ နေတယ်လို့ ကျမ မပြောလိုပါဘူး။ အခွင့်အရေးတွေကို ရနိုင်တဲ့အခြေအနေ မှာ ရောက်နေတယ်”
“ကျမတို့ရဲ့ အနောက်ပိုင်းမှာ၊ အနောက်ပိုင်း နယ်စပ်မှာ ဆိုလို့ရှိရင် ဒီလို ဖြတ်ကျော်တာမှာ စည်းမဲ့ ကမ်းမဲ့ဖြစ်နေတယ်။ အဲ ဒါကြောင့်လည်း ပြဿနာတွေဖြစ်လာတယ်။ တဖက်နိုင်ငံကလည်း ဒါက တို့နိုင်ငံက လူတွေ မဟုတ်ဘူး။ ဒီဘက် ဗမာ ပြည် က၊ မြန်မာနိုင်ငံက လူတွေ၊ မြန်မာနိုင်ငံကလည်း ဒါ တို့နိုင်ငံက လူတွေ မဟုတ်ဘူး။ ဟို ဘက်က ကူးလာတာဆိုပြီးတော့ အဲ ဒီလို စွပ်စွဲချက်တွေ ဖြစ်နိုင်တာဟာ စည်းမဲ့ကမ်းမဲ့ နယ်စပ်ကို ဖြတ်ကျော်မှုကြောင့်၊ တနည်းအားဖြင့် ပြောမယ်ဆိုရင် ဒါ လည်း ဥပဒေစိုးမိုးရေး မရှိ တာပေါ့နော်။ နောက်ပြီးတော့ နယ်စပ်မှာ စောင့်တဲ့ အစိုးရ ဌာနတွေရဲ့ လာဘ်ပေးလာဘ်ယူကိစ္စ နဲ့ မကင်းတဲ့ ဟာတွေနဲ့ ဆိုင်ပါတယ်”
No comments:
Post a Comment