Sunday, July 1, 2012

ပါရီမြို့ စားကြီး Bertrand Delance ဆုမွန်လွှာ



အမေစု...သို့ 
ပါရီမြို့ ကြီးသူဖြစ်လာမဲ့ ဒေါ်အောင်ဆန်းစုကြည်ကို  လာရောက်ဂါဝရပြုသူအားလုံး မြင်တွေ့ စေရန်
ကျေးဇူးပြုပြီး ကင်မရာများ အောက်သို့  နှိမ့်ပေးကြပါ ။
သူမကို အားလုံးက ဂါဝရပြုရန် မြင်တွေ့ ချင်ပါတယ် ။
ချစ်ခင်လေးစားရပါသော မဒမ် (ဂုဏ်သိက္ခာမြင့်မားသော အမျိုးသမီး) ခင်ဗျား
အသင်မြင်နေရတဲံ အတိုင်းပါဘဲ ။ လူဆိုတာ ခံစားချက်တွေ အများကြီးနဲ့ ပါ ။
အခုပြုလုပ်နေတဲ့ ဂုဏ်ပြု အခန်းအနားပွဲဟာ
သမရိုးကျ လုပ်ရိုးလုပ်စဉ်ကျင်းပခဲ့ဖူးတဲ့ အခန်းအနားထက် အင်မတန်မှ လူသားဆန်ပြီး
အနက်အဓိပါယ်များစွာ နက်ရှိုင်းစွာပါဝင်တဲ့တွေ့ ဆုံမှုပွဲလေးပါ ။
ကမ္ဘာကြီးပေါ်မှာ ကျွန်ုပ်တို့  မမြင်ဖူးခဲ့သော တကယ်မိတ်ဆွေရင်းချာလို
စိတ်ထဲကရင်းနှီးနေသော သူတွေရှိနေပါတယ် ။
အချို့ သောသူများအတွက် ရင်ဆိုနေရသော တိုက်ပွဲများဟာ တကယ့်ကိုခက်ခဲကြမ်းတမ်းလှပါတယ် ။

အဲဒီလို လူသားတွေအတွက် ဆိုးဝါးလှတဲ့ အခြေအနေတရပ်ကို
ဖယ်ရှားခြင်းဟာ အင်မတန်မြင့်မြတ်လှပါတယ် ။
အဲဒီလို ကြီးမားမြင့်မြတ်တဲ့ လူမျိုးတွေဟာ ကျွန်ုတို့ လူသားမျိုးနွယ်စု
ဆက်လက် ရှင်သန်ရေးအတွက် တိုက်ရိုက် ဆက်နွယ်နေပါတယ် ။

၂၀၀၄ ခုနှစ်ကာလများမှာ ကြက်ပျံမကျ စည်းကားတိုးတက်နေသော ပါရီမြို့ ကြီးရဲ့
အတိုင်အပင်ခံ အရာရှိကသူ့ ကိုယ်သူလည်း ဂုဏ်ပြုရာဖြစ်သော ပါရီမြို့ ကြီးသူဆု ကို
သင့်အား ဂုဏ်ပြု ပေးအပ်ရန် ဆုံးဖြတ်ချက်ချခဲ့ပါတယ် ။
အဲဒီကာလများမှာ သင့်ကို အပ်နှင်းနိူင်တဲ့ အခြေအနေ မရှိခဲ့ပါဖူး ။

လက်ထောက်အမျိုးသမီး Anni Daco က ၂၀၀၄ ခုနှစ်ထဲမှာဘဲ သင်ရဲ့ မိတ်ဆွေ
NCGUB ဝန်ကြီးချုပ်ကို ကိုယ်စားအပ်နှင်းခဲ့ပါတယ် ။
သင်ရဲ့ ကြိုးစားနေမှုတိုက်ပွဲကို အရှိ်န်မပျက် ဆက်လက်လုပ်သွားဖို့ လည်း သတင်းပါးခဲ့ပါတယ် ။

ပါရီမြို့ တော်က လူထုရင်ပြင် ကွင်းကြီးမှာ
သင့်ရဲ့ လှပမြင့်မြတ်တဲ့ ဓါတ်ပုံကြီးကို ချိတ်ဆွဲထားစေခဲ့ပါတယ် ။

အဓိပါယ်ကတော့ လွန်ခဲ့သောနှစ်ပေါင်းများစွာကတည်းက
ပါရီမြို့ သား မြို့ သူတွေရဲ့  အသည်းနှလုံးတနေရာမှာ
သင်ဟာဝင်ရောက် နေရာယူထားပြီးဖြစ်ပါတယ် ။

ငါတို့ တတွေဟာ သင့်ရဲ့ မိဘ ၂ ပါးကိုလည်း သိနေပါတယ် ။
သင့်ဖခင်နဲ့  မိခင်တို့ ရဲ့  တိုင်းပြည်နဲ့ လူမျိုးအပေါ်
သစ္စာရှိနေမှုတွေကပါ မြန်မာပြည်က လူထုတွေရွေးချယ်တင်မြောက်လိုက်သော
လွှတ်တော်အမတ်ဖြစ်လာသူမြန်မာ
 အမျိုးသမီးကို ဂုဏ်ပြုဆုပေးအပ်ရန် အထောက်အကူပြု အခြေအနေဖြစ်ခဲ့ပါတယ် ။

သင်ဟာ အလွန်ခက်ခဲသော အခြေအနေမျိုးစုံကို ရင်ဆိုင်ခဲ့ရတယ် ။
လူသားတဦး သိက္ခာရှိစွာအသက်ရှင်ရပ်တည်ဖို့  လူ့ အသိုင်းအဝိုင်း အဆောက်အအုံတခုကို
တည်ဆောက်နေတဲ့ကာလတွေမှာ ပြည်သူလုထုကို ကာကွယ်ဖို့  လူအများကို
ကိုယ်စားပြု အုပ်ချုပ်ရေးစနစ် ဖြစ်ထွန်းမှုလူတဦးခြင်းစီ ရသင့်ရထိုက်သော လွတ်လပ်ခွင့်ကို ကာကွယ်ရင်း
အာဏာရှင်စနစ်ကို ခုခံတွန်းလှန်ခဲ့ပါတယ် ။

ဒီလို စိတ်ဓါတ်တွေဟာ အင်အားတွေဖြစ်လာပြီး ကမ္ဘာလူထုအားလုံးရဲ့ 
လူသားတဦး ဂုဏ်သိက္ခာ လူသားဖြစ်တည်မှု
လူအများပါဝင်တဲ့ အုပ်ချုပ်မှု တို့ အတွက် စွမ်းဆောင်မှုတွေ ဖြစ်လာပြီး
ပါရီမြို့ ကြီးသူဆု ကို ပေးအပ်ရန် အတွက်ဖြစ်ပေါ်စေခဲ့သော အကြောင်းတရားတွေပါ ။
ကျွန်ုပ်တို့ ပါရီကလူထုလည်း တကယ်ကို ခံစားစေခဲ့ရပါတယ် ။

သင်ကြိုးပန်းဖြတ်သန်းခဲ့သော လမ်းခရီးဟာ သိပ်ခက်ခဲပြီး အင်မတန်မှ ချီးမွမ်းဂုဏ်ပြုထိုက်စေသာ
အကြောင်းအရာဟာနူးညံ့ခြင်းနဲ့ ပြည့်စုံပြီး တပါးသူ တယောက်ကို အလွယ်တကူ နားလည်ခံစား
သိရှိစေသည့်နည်းလမ်းဖြစ်ပြီးသင်၏ အကြမ်းမဖက် အနု နည်းလမ်းဖြင့်
အမျိုးသားများအားလုံးကို ပြန်လည်ရင်ကြားစေ့ ရေး လုပ်ငန်းစဉ်ကို အထောက်အကူဖြစ်စေခဲ့ပါတယ် ။

သင်ဟာ စေ့စပ်ဆွေးနွေးရေးကို လိုလားသူဖြစ်တယ် ။
စစ်ကို လိုလားသူမဟုတ်ပါ ။
ငြိမ်းချမ်းရေးကို လိုလားသော အမျိုးသမီးဖြစ်ပြီး
သူတပါးကို မထိခိုက်စေဘဲ ခုခံကာကွယ်ခဲ့သူဖြစ်တယ် ။
အထက်ပါအချက်အလက်တွေကို ပါရီမြို့ ကြီး သင့်ကိုချစ်တာဖြစ်ပါတယ် ။

သင်ချစ်ခင်လေးစားသော Victor Hugo (http://en.wikiquote.org/wiki/Victor_Hugo ) သည်လည်း
တကမ္ဘာလုံးက ချစ်ခင်လေးစား အမှတ်ရစေသလို ငါတို့ ကိုလည်း အမှတ်တရရှိနေဆဲပါ ။
အဲဒီ အမျိုးသားအတွက် ကျွန်ုတို့  အမြဲတန်းဂုဏ်ယူသွားမှာပါ ။
နိူင်ငံတကာက တန်ဖိုးထားတဲ့ Victor Hugo စာရေးဆရာဟာ ယနေ့  ၂၁ ရာစုမှာ ကြုံတွေ့ လာရမဲ့
အခက်အခဲတွေကို ရင်ဆိုင်ရမဲ့ အနာဂါတ်လူသားမျိုးနွယ်တွေအတွက်
ဆန်းသစ်ပြီး လာမည့် လက်ရှိအခြေအနေများနဲ့ ကိုက်ညီမည့် အချက်များကို စဉ်းစား ရှာဖွေပြီး ရေးသားခဲ့ပါတယ် ။
Victor Hugo ဟာ သေဒဏ်ပေးတဲ့ အပြစ်ပေးနည်းကို ဆန့် ကျင်ကန့် ကွက်ခဲ့တယ် ။
အရွယ်မရောက်သေးတဲ့ ကလေးလူငယ်တွေ အလုပ်ခွင်မှာ အသုံးပြုမှုကို ဆန့် ကျင်ခဲ့ပြီးဒီမိုကရေစီနှင်
ပညာရေးကို ဦးစားပေးစေခဲ့တယ် ။
Victor Hugo အနေဖြင့် ဒေါ်အောင်ဆန်းစုကြည်သကဲ့သို့ 
လူထုအများစုကိုယ်စား အုပ်ချုပ်မှုစနစ် ။ လူသားတဦးလွတ်လပ်ခွင့်တွေကို အနောက် ကမ္ဘာ နယ်ပယ်ဒေသတွေမှာ
ဆက်လက်ရှင်သန်နေစေရေးအတွက် ရပ်တန့် မသွားအောင် ပြုလုပ်နိူင်ခဲ့တယ် ။
ဒေါ်အောင်ဆန်းစုကြည် - သင်ရေးသားခဲ့တဲ့ အတိုင်းပါဘဲ
ကျွန်ုပ်တို့ မိတ်ဆွေကြီး Victor Hugo ရေးသားထားခဲ့တဲ့ အတိုင်းပါဘဲ ။

စစ်မှန်တဲ့ ဒီမိုကရေစီ စနစ်တွေနဲ့ ကမ္ဘာကြီးရဲ့  အမွေအနှစ်တွေကို
အနာဂါတ်အတွက် ထိမ်းသိမ်းဖို့ လိုနေပါတယ် ။

ချစ်လှစွာသော မဒမ် ခင်ဗျား
ယ္ခုအချိန်မှာ ပါရီမြို့ ရဲ့  အသိသက်သေဖြစ်သော ဒီလို ဂုဏ်ပြုနေခြင်းဟာ ပြီးဆုံးအောင်မြင်မှု မှတ်တမ်းမဟုတ်ပါဖူုး ။
အောင်မြင်မှု ခရီးဆုံးထိသွားနိူင်ဖို့  တာထွက်တဲ့ အထိမ်းအမှတ်ဖြစ်ပါတယ် ။
သင်ဟာ နိူင်ငံရေး အကျဉ်းသားတွေ လွတ်မြောက်ရေး အတွက် ကြိုးပန်းခဲ့တယ် ။
မြန်မာပြည်သူလုထု ဝမ်းမြောက်ဝမ်းသာ နေထိုင်စေနိူင်သော ဒီမိုကရေစီ အုပ်ချုပ်ရေးစနစ် နှင့်
အမျိုးသား ပြန်လည်သင့်မြတ်ရေး ပြန်လည်ရင်ကြားစေ့ရေး တို့ အတွက် ကြိုးပန်းခဲ့တယ် ။လုပ်နေဆဲဖြစ်တယ် ။
သင်ဟာ ကမ္ဘာကြီးနဲ့  လူ့ အခွင့်အရေးတွေ ထွန်းကားရေး အတွက် ချီနှောင်ပေးခဲ့သူဖြစ်တယ် ။

သင့်ကို ကျွန်ုပ်တို့ ပါရီမြို့ ကိုယ်စား တင်ပြချင်တာကတော့
ပါရီမြို့ ရဲ့  ဂုဏ်ထူးဆောင် မြို့ ကြီးသူ ချီးမြင့်ပေးနိုင်ခြင်းဟာ
ကျွန်ုပ်တို့ အနေဖြင့် သင့်အတွက် အရမ်းဂုဏ်ယူနေပါတယ် ။
သင်နှင့် ပါရီမြို့ ကြီးတို့  အကြားက ပေါင်းကူးတံတားတခုလည်း ဖြစ်ပါတယ် ။
ဒီလို ဆက်သွယ်မှုဟာ နောင်လာမည့် အနာဂါတ်ကာလများမှာ
လူသားဆန်သော အရင်းအမြစ်များ တည်ဆောက်မှုတွေ အတွက်
ထောက်ပံ့ပေးခြင်းလည်းဖြစ်ပါတယ် ။

 





(ပြင်သစ်နိုင်ငံမှ ကိုမောင်မောင်ထွေး၏ ဇနီး မမို့ မို့ မြင့်အောင်(လှိုင်မြို့ ) တိုက်ရိုက်ဘာသာပြန်ဆိုပြီး
နယ်သာလန်နိူင်ငံမှ ကိုဌေးတင့်က ပြန်လည်တည်းဖြတ်ပြီး ကွန်ပြူတာ ဖြင့် မှတ်တမ်းတင်ပါသည် ။)
U Htay Tint 

No comments:

Post a Comment