ယခုအခါမှာ မြန်မာနိင်ငံနှင့် နိင်ငံသားများအတွက် အလွန်ဂုဏ်ယူစရာကောင်းသော...သားကောင်းမိခင်ပီသစွာဖြင့် အမေ ဒေါ်အောင်ဆန်းစုကြည်ကြောင့် ကမ္ဘာအလယ်အတွင် မြန်မာနိင်ငံသားများ မာန်ဝံ့ ဟန်တင့်နိင်ကြလေပြီ။ဟိုနိင်ငံက အမေ ဒီနိင်ငံက အမေ တို့အမေစုကွလို့ ဟစ်ကြွေးသံတွေက ကမ္ဘာမြေအနှံ့ အွန်လိုင်းမြေကိုပါ သိမ်းပိုက်ထားဘိသကဲ့သို့...ကျွန်တော်တို့ ဂုဏ်ယူဝံ့ကြွားကြရလေပြီ။
“အမေစုအတွက် ဂုဏ်ယူမိသည်။”
“မြန်မာနိင်ငံသားတစ်ယောက်အတွက် ဂုဏ်ယူမိသည်။”
“မြန်မာနိင်ငံတော်အတွက် ဂုဏ်ယူမိသည်။”
ကျွန်တော်နှင့်အတူ မြန်မာနိင်ငံသားအများစုမှလည်း ဂုဏ်ယူဝံ့ကြွားမိကြမည်ဟု ယုံကြည်ပါသည်။
ကျွန်တော်တို့ပျော်ရွှင်နေကြသည်။ကျွန်တော်တို့ ဂုဏ်ယူနေကြသည်။ ကျွန်တော်တို့ ခေါင်းမော့နေကြသည်။
ထိုသို့သော အတွေးနှင့်ပျော်ရွှင်နေမိသောကျွန်တော်အား အတွေးစတစ်ခုကမေးလာပါသည်။
“အမေအတွက် ဂုဏ်ယူနေသော ကျွန်တော်တို့.... အမေဂုဏ်ယူလောက်အောင် ကျွန်တော်တို့ ဘာတွေ လုပ်ခဲ့ပြီးပါသနည်း....”
“မြန်မာနိင်ငံသားများ ဂုဏ်ယူလောက်အောင် ကျွန်တော်တို့ ဘာတွေကြိုးစားခဲ့ပြီးပါသနည်း...”
“မြန်မာနိင်ငံတော်အတွက် ဂုဏ်ယူရအောင် ကျွန်တော်တို့ဘာတွေ စွမ်းဆောင်ခဲ့ပြီးပါသနည်း...”
ကျွန်တော်တို့က အမေစုကိုချစ်တယ်။အမေစုအတွက် ဂုဏ်ယူမိတယ်ဆိုရင်တော့.... အမေစုကရော...သူချစ်တဲ့ပြည်သူတွေအတွက်ဂုဏ်ယူချင်လိမ့်မယ်လို့မထင်မိဘူးလား။ ကျွန်တော်တို့အတွက် သူလဲ ခေါင်းမော့ချင်မယ် မမျှော်လင့်မိဘူးလား။
ကဲ......အမေစုအတွက် ဂုဏ်ယူ ၀မ်းမြောက်မိကြသော မြန်မာနိင်ငံသား မိတ်ဆွေများခင်ဗျား....
ကျွန်တော့ရဲ့ လူငယ်ကျောင်းသားတစ်ယောက် အတွေးစကို ဒီအထိဖတ်လာပေးတဲ့အတွက် ကျေးဇူးတင်ပါတယ်ဗျာ။ဒီမှာပဲ ကျွန်တော့ အတွေးစကို အဆုံးသတ်ပါတော့မယ်။
သူတစ်ပါးအတွက် အမြဲဂုဏ်ယူနေမိတဲ့ကျွန်တော်တို့တွေ....ကျွန်တော်တို့ အတွက် သူတစ်ပါးတွေ ဂုဏ်ယူရအောင် ကြိုးစားမှုအဆင့်ထိ တိုးမြှင့်စေချင်ပါကြောင်း မိမိကိုယ်ကို ....သတိပေးရင်း...လေးစားစွာ ရေးသားတင်ပြအပ်ပါသည်။
လေးစားလျှက်
ကိုဝေဠု မြောက်ဥက္ကလာ ကျောင်းသားလူငယ်
No comments:
Post a Comment