ပညာတတ်ပုဂ္ဂိုလ်တွေနဲ့ ဖွဲ့စည်းထားတဲ့ ကျောင်းအုပ်ချုပ်ရေး အဖွဲ့ (ဘယ်လိုနာမည်တပ်ထားသလဲ မသိပါ) တွေက အခုလိုမျိုး တင်းကြပ်ချုပ်ချယ် ကန့်သတ်နေတာကိုက ကျောင်းသားသမဂ္ဂတွေ ဖွဲ့စည်းဖို့ အရှိန်ပိုကောင်းလာစေပါတယ်။
တက္ကသိုလ် ကောလိပ်တွေမှာ တက်ရောက်ပညာသင်ကြားသူတွေဟာ လူငယ်တွေပဲ ဖြစ်ကြလို့ လူငယ်တို့ရဲ့ တစိုက်မတ်မတ် အားမာန် တက်ကြွမှုနဲ့ မျှော်လင့်ကြီးမားမှုကို လေးလေးစားစား အသိအမှတ်ပြုပြီး ဆက်ဆံရမှာ ဖြစ်ပါတယ်။
ပညာတတ်ပုဂ္ဂိုလ်ကြီးများ ဒီအချက်ကို အလေးအနက် ထားနိုင်ရင် ပြဿနာတွေ မရှိသလောက်ကို ဖြစ်အောင် စီမံ အုပ်ချုပ် ထိန်းကျောင်းပေးနိုင်မှာ ဖြစ်ပါတယ်။ ပညာရေးဝန်ကြီးဌာနနဲ့ အစိုးရကလည်း ဒီအချက်ကို သဘောပေါက်ထားသင့်ပါတယ်။
ခေတ်စနစ်နဲ့အညီ တိုင်းပြည်က လိုက်လျောညီထွေစွာ ပြောင်းလဲလာတာကို ခွင့်ပြုရပါမယ်။ ပြောင်းလဲမှုကို ဟန့်တားပိတ်ဆို့ရင် တည်ငြိမ်စွာ ဖွံ့ဖြိုးတိုးတက်နိုင်မှာ မဟုတ်ပါဘူး။ သိပ်မခက်ခဲတဲ့ ကိစ္စတွေကို ရေးကြီးခွင်ကျယ် မလုပ်စေချင်ပါ။
lwin aung soe
No comments:
Post a Comment