သိက္ခာမြင့်လို့ မျက်နှာပွင့်သူ
သိက္ခာမြင့်သူ ဘယ်ကိုသွားသွား
မျက်နှာပွင့်လို့ကြိုသူများများ
နော်ဝေပြည်သားလည်းမြိုင်မြိုင်ဆိုင်
ဆွစ်ဇာလန်ပြည်သားလည်းမနေနိုင်
တူပြိုင်ပြိုင်ကြိုဆိုပွဲ တမိုးလုံးခြိမ့်ခြိမ့်သဲ..။
အောင်ပွဲအပွဲပွဲနွှဲခဲ့တဲ့အမေစုမှာ
ကမ္ဘာအလယ်မှာမျက်နှာပွင့်ရှာ
ဒို့မြန်မာထပ်တခါမလွဲ
ကမ္ဘာကသိကြပြီပဲ
ထူးကဲလှတဲ့အမေစုဂုဏ်
ကမ္ဘာတလွှာဝယ် သိမ့်သိမ့်တုန်
မယုံနိုင်လောက်တဲ့သတ္တိဇွဲ
သူကလွဲပြီး ဘယ်သူရှိနိုင်မှာလဲ…။
ညစ်မှောင်တဲ့စစ်အမှောင်ကို
ဝင်းပြောင်တဲ့တတိုင်မီးနဲ့
ထိန်ညီးအောင် စွမ်းဆောင်ကြိုးပမ်း
ကိုယ်ကိုယ်တိုင်အလောင်ကျွမ်းခံ
အမှောင်ခန်းထိန်တောက်
စိန်ကျောက်ထက်မယွင်းအောင်
အလင်းဆောင်နေသူဟာ အမေစုပါ။
နအဖတို့ရဲ့ မဟုတ်မမှန်
လုပ်ကြံတဲ့ ဒီပဲရင်းအရေးမှာ
သီသီလေး အသက်ဘေးက
လွတ်ဝေးလာတဲ့ ဒေါ်စုဟာ
အသဲနု မသွား ကြောက်ရွံ့မှုနဲ့
နောက်တွန့်ပြီး ဆုတ်မပြေး
မသေဆေး မရှိပေတဲ့
သေးဘေးကို သူမမှု
လူထုရဲ့ခံစားမှုကို
ကိုယ်စားပြု ဦးဆောင်နေတဲ့
အမေစုရဲ့ အလင်းရောင်ဟာ
အမှောင်ဟူသမျှကို ဖြိုခွင်း
လွတ်မြောက်ခြင်းဆိုတဲ့
ဒီမိုကရေစီပန်းတိုင်ရောက်အောင်
ပို့ဆောင်ပေးလိမ့်မယ်လို့
ကျုပ်တို့အားလုံးက မတုန်မလှီ
ယုံကြည်နေပါကြောင်း။
အမေစုသွားရာခြေတလှမ်းသည်လည်း
ကုဋေတစ်သန်းမက တန်ဖိုးကြီးလှပါပေတယ်..။
အမေအောင်စေ..အေးစေ..မေတ္တာကမ္ဘာဝေ...။
တက္ကသိုလ်ဘုန်းကြွယ် (ဇွန် ၁၅ ၂၀၁၂)
No comments:
Post a Comment