by Khant Nyi Pe on Thursday, July 26, 2012 at 1:29pm ·
................................
ဆရာနှင့်ပတ်သက်ပြီး မှတ်မှတ်ထင်ထင် ဖြစ်စရာတွေက အများအပြားပင်။ တပည့်တွေအပေါ် ချစ်ခင်ကြင်နာသည့် ဆရာ၏မျက်နှာမှာ အမြဲပြုံးနေတတ်သည်။ ဆရာ့ပုံရိပ်ကို တွေးလိုက်တိုင်း အပြုံးမျက်နှာသာ အာရုံထဲပေါ်နေလေ့ရှိပါသည်။ အသားခပ်လတ်လတ်၊ လူဟန်ဖြောင့်ဖြောင့် ဆရာ့ပုံသွင်မှာ ကျွန်တော်တို့တပည့်များ၏ အမြင်တွင် တကယ့်ဇာတ်လိုက်ကျော်ပင်။ ကွမ်းအမြဲမြုံ့နေလေ့ရှိပြီး စကားခပ်လေးလေးပြောတတ်သော ဆရာ၏စကားသံများမှာလည်း နားထဲတွင်အမြဲ စွဲနေပါသည်။ တစ်ခါတစ်ရံ တပည့်များကို ဆုံးမစရာရှိလျှင်တော့ ပြတ်ပြတ်သားသား ဆုံးမတတ်၏။ ဆရာ့လက်စွဲကျော် ထန်းပက်လက်ပြားမှာ အမြဲဝင်းစို ပြောင်လက်နေသည်။ ရိုက်လျှင်လည်း အပြုံးမပျက် ရိုက်တတ်ပြီး ခံရသူမှာလည်း ကိုယ့်အပြစ်နှင့်ကိုယ်မို့ ဆရာ့အပေါ် အမျက်မသိုမိတတ်ကြ။ သင်္ချာဆရာဖြစ်သော်လည်း ကျန်ဘာသာရပ်များတွင်ပါ နှံ့စပ်သောဆရာမှာ လိုရာသုံးနိုင်သူ တစ်ယောက်ဖြစ်နေသည်။ အထူးသဖြင့် စာဖတ်ဝါသနာကြီးပြီး စာအစုံဖတ်သောဆရာမှာ စာပေဘက်တွင် ပိုအားသန်၏။ ကျောင်းမှ စာပေနှင့်ပတ်သက်သော ကိစ္စများတွင် မြန်မာစာဆရာများထက်ပင် ရှေ့ရောက်နေတတ်သေးသည်။ ဆရာ့ကျေးဇူးကြောင့် ကျွန်တော်တို့တစ်တွေ ပြင်ပစာအုပ်များနှင့် ထိတွေ့ရင်းနှီးခဲ့ရ၏။ ခုနောက်ပိုင်း အငြိမ်းစားယူပြီးမှ ဆရာ့လက်ရာများကို စာမျက်နှာများထက်တွင် ခပ်စိပ်စိပ် ဖတ်နေရသည်။
ဆရာ့အိမ်ပေါက်ဝအရောက် တစ်ချက်အသံပြုပြီး လှမ်းဝင်လာခဲ့သည်။ ပါလာသော ဆရာ့အကြိုက် လ္ဘက်ရည်ဖန်ဆိမ့်ကျကျ ပါဆယ်ထုပ်ကို နံဘေးမှတိုင်တွင်ချိတ်လိုက်ရင်း ဆရာ့အခန်းဘက်သို့ အကြည့်ရောက်၏။ ကျွန်တော်၏အသံကို မှတ်မိပြီး၊ ကျွန်တော့်အမည်ကိုပါ လှမ်းခေါ်လိုက်ရင်း အခန်းတွင်း ၀င်လာခိုင်းသည်။ ဆရာ့မှတ်ဥာဏ်နှင့် တပည့်များအပေါ် ဂရုထားသည့် စိတ်ဓာတ်ကို ရင်အတွင်းမှ ပီတိဖြင့်လေးစာမိပြန်ပါသည်။ ဆရာသည်သူ့အခန်းတွင်းရှိ စာကြည့်စားပွဲတွင် စာအုပ်တစ်အုပ်ကို စိတ်ဝင်တစား ဖတ်ရှုနေ၏။ ဘေးမှ ဆရာအိပ်ယာသည်လည်း အခင်းဖြူဖြူနှင့် သန့်ပြန့်နေသည်။ အခန်းနံရံတွင် စာအုပ်ဗီရိုများကိုကပ်ရိုက်ထားပြီး ဗီရိုအားလုံးအပြည့် စာအုပ်များက နေရာယူထားလျှက်ရှိ၏။ ဆရာ့စားပွဲပေါ်၌ ဖတ်လက်စ စာအုပ်နှစ်အုပ်၊ သုံးအုပ်ကို စီရရီတင်ထားသည်။ ရေးလက်စ စာမူဖိုင်တစ်ခုက ဖွင့်ထား၏။ ဖွင့်ထားသော ဘေးပြူတင်းပေါက်မှ လေနုအေးက တသုန်သုန်ဖြူးနေသည်။ သဘာဝအလင်းရောင်နှင့် လင်းခြင်းနေသော ဆရာ့အခန်းလေးမှာ စိတ်ကြည်နူးစဖွယ်။ ဆရာက ဖတ်လက်စ စာမျက်နှာကြားလက်ညှိုးကို ထိုးထည့်ထားပြီး စာကြည့်မျက်မှန်ပေါ်မှ ကျွန်တော့်အား ကျော်ကြည့်နေသည့်ပုံမှာ လန်းလန်းဆန်းဆန်း ရှိသဖြင့် စိတ်သက်သာရာရပါသည်။
.................................................
ဆရာနှင့် အချိန်ကြာကြာ စကားမပြောဖြစ်သည်မှာ အတော်ကြာနေလေပြီ။ သာကြောင်း၊ မာကြောင်း ၊ ဆရာ့တပည့်များအကြောင်း စသည်ဖြင့် ပြောဖြစ်ကြ၏။ လက်ရှိဆရာရေးလက်စ စာမူတစ်ပုဒ်နှင့် ပတ်သက်ပြီးလည်း ဆွေးနွေးဖြစ်ခဲ့ပါသည်။ များသောအားဖြင့် ဆရာ့ပြောစကားများကိုသာ စိတ်ဝင်တစား နားထောင်ဖြစ်ခဲ့၏။ စကားကောင်းစဉ် ဆရာကအိမ်နောက်သို့ အပေါ့အပါးသွားနေသခိုက် တစ်ယောက်ထဲ ဟိုသည်ငေးရင်း အတွေးပွားနေမိပြန်ပါသည်။ ဆရာ့အခန်းကို တစ်ချက်ကြည့်ဖြစ်သည်။ အဓိကမင်းမူနေသည်မှာက စာအုပ်များပင်။ သပ်ရပ်သန့်ရှင်းသော ဆရာ့အခန်းကို ကျွန်တော်၏အခန်းနှင့် ယှဉ်ကြည့်မိရင်း တစ်ယောက်ထဲ ပြုံးမိပြန်သေး၏။ အခန်းခေါင်းရင်းရှိ မှန်ဗီရိုအသေးတစ်လုံးတွင် စာအုပ်များမရှိပဲ တစ်စုံတစ်ခုထည့်ထားသည်ကို မြင်တွေ့လိုက်ရသည်။ အနည်းငယ် စိတ်ဝင်စားသဖြင့် ထိုင်နေရာမှ ထကြည့်ဖြစ်သည်။ မှန်ဗီရိုလေးမှာ ပြောင်စင်ဝင်းလက်နေ၏။ အတွင်းတွင် ဆရာ့လက်ဆွဲတော်၊ ကျွန်တော်တို့၏ အချစ်တော် ထန်းပက်လက်ပြားလေးမှာ ၀ါဝင်းစွာထောင်လျှက် တည်ရှိနေပါသည်။ နံဘေးတွင် ဆရာဝတ်ဆင်နေကျ ပင်နီရောင်တိုက်ပုံနှင့် ကျောင်းစိမ်းပုဆိုးကို သပ်ရပ်စွာခေါက်ပြီး ထည့်ထား၏။ ဘေးတွင်စက္ကူကဒ်ပြားဖြူဖြူ၌ ဆရာအလုပ်စ၀င်သည့် ရက်စွဲနှင့် အငြိမ်းစားယူသည့် ရက်စွဲကို သပ်ရပ်စွာရေးသားထားပါသည်။ ဗီရိုနောက်ခံပေါ်တွင် ဆရာတာဝန်ကျခဲ့သော ကျောင်းများ၏ ဓာတ်ပုံကို ရက်စွဲများနှင့်တကွ ရေးထိုးပြီးကပ်ထား၏။ ဆရာ့ဗီရိုလေးကြည့်ရသည်မှာ ပြတိုက်တစ်ခုမှ ခင်းကြင်းထားသော အပြင်အဆင်နှင့် ခပ်ဆင်ဆင်။ စိတ်ဝင်စားစွာကြည့်နေသဖြင့် ဆရာပြန်ဝင်လာသည်ကိုပင် သတိမပြုလိုက်မိ။ ဆရာက ကျွန်တော်၏ ပုခုံးကိုအသာပုတ်လိုက်ပြီး ပြုံးပြုံးကြီး ကြည့်နေပါသည်။ ထိုင်ခုံတွင်ပြန်ထိုင်ကြပြီးနောက် ကျွန်တော်စိတ်ဝင်စားနေသည့်ကိစ္စကို ဆရာက စကားစတင်ပြောပြခဲ့၏။ ဆရာ့စကားများကို နားထောင်နေရင်း ပီတိအဟုန်ကြောင့် လူမှာကြည်နူးနေလေတော့သည်။
...............................................
"ဒီမယ်..ဆရာ့အကြောင်းလို့ ဆိုချင်ဆိုရပေမယ့် မင်းတို့တစ်တွေလည်း နားလည်စေချင်တယ်။ လူတစ်ယောက်နဲ့တစ်ယောက် အမြတ်နိုးဆုံးဆိုတာ ဘယ်လိုနည်းနဲ့မှ မတူနိုင်ကြဘူးလေ။ ဒါပေမယ့် ယေဘူယျ တူရမယ့်အရာတွေကတော့ လူ့လောကမှာပြဌာန်းပေးပြီးသားပေါ့။ သစ္စာရှိတာ၊ ရဲရင့်တာ၊ ရိုးသားတာ၊ အနစ်နာခံတာ၊ သိမ်မွေ့ကြင်နာတတ်တာ၊ တာဝန်ယူတတ်တာ၊ ကိုယ်ချင်းစာတတ်တာ၊ ဘာသာတရားကိုင်းရှိုင်းတာ....စသဖြင့်ပေါ့ကွာ။ ဘယ်ဘာသာ ဘာလူမျိုးဖြစ်ဖြစ်ပေါ့၊ ယဉ်ကျေးတဲ့ လူ့အသိုင်းအ၀ိုင်းက အဲ့ဒီအရာတွေကို လက်ခံကြတယ်၊ မြတ်နိုးကြတယ်လေ။ သူနဲ့ဆန့်ကျင်ဖက်တွေကိုတော့ ရွံရှာတယ်၊ စက်ဆုပ်တယ်၊ မုန်းတီးကြတယ်ပေါ့။ ဆရာကတော့ အဲ့ဒီအထက်က အကြောင်းခြင်းရာတွေ အားလုံးပြည့်စုံတဲ့ ဆရာ့ရဲ့ အသက်မွေးဝမ်းကြောင်းအလုပ် ကျောင်းဆရာဘ၀ကို အမြတ်နိုးဆုံး၊ တန်ဘိုးအထားဆုံးပါပဲ။ ဆရာ့လုပ်သက်တစ်လျောက် ဗြဟ္မစိုရ်တရား လေးပါးလက်ကိုင်ထားပြီး ဆရာ့တပည့်တွေအပေါ် တာဝန်ကျေခဲ့တယ်လေ။ ဘယ်အချိန်ပြန်တွေးတွေး ဆရာ့ကိုယ်ဆရာ လိပ်ပြာသန့်တယ်။ အဓိကကတော့ ကိုယ့်အသက်မွေးဝမ်းကြောင်းအလုပ်အပေါ် သစ္စာရှိဘို့ပဲ။ ဆရာအလုပ်ဆိုတော့ ပိုပြီး တာဝန်ကြီးတယ်လို့ ခံယူထားတယ်။ နိုင်ငံတော်နဲ့ ပြည်သူတွေက ယုံကြည်လို့ သူတို့အနာဂတ်ကို ဆရာတို့လက်ထဲ ယုံယုံကြည်ကြည်ဝကွက်အပ်ထားတဲ့အလုပ်လေ။ ဒီလိုပါပဲ ဘယ်အလုပ်ပဲဖြစ်ဖြစ် သက်ဆိုင်ရာရှုထောင့်ကကြည့်ရင် အရေးကြီး၊ အရေးပါကြတာချည့်ပါပဲ။ အချုပ်ပြောရရင်တော့ နိုင်ငံသားတိုင်း၊ လူတိုင်းလူတိုင်း ကိုယ့်အလုပ်၊ ကိုယ်တာဝန်ကို မြတ်နိုးတန်ဘိုးထားပြီး လေးစားကြမယ်ဆိုရင် ဆရာတို့နိုင်ငံက ရှေ့တန်းရောက်လာမှာမလွဲပါဘူး။ အဲ ဆန့်ကျင်ဖက်သဘောထားကြရင်တော့ တူညီတဲ့ဆန့်ကျင်ဖက်ရလာဒ်ပဲ မလိုချင်လည်း ရရမှာပေါ့။ ဆရာတစ်သက်လုံး မြတ်မြတ်နိုးနိုးဝတ်ဆင်ခဲ့တဲ့ ၀တ်စုံနဲ့ ဆရာ့လက်ကိုင် ထန်းပက်လက်ပြားက ဆရာ့ရဲ့သမိုင်းပဲလေ။ ဒါကြောင့် အမြတ်တနိုး သိမ်းထားတာပေါ့။ ဆရာ့ဝတ်စုံရင်ဘတ်မှာ ဘာဂုဏ်ထူးဆောင်တံဆိပ်မှ မရှိဘူး။ ရင်ဘတ်မှာ တပည့်တွေကိုချစ်တဲ့ နုညံ့တဲ့နှလုံးသားပဲ ရှိတယ်။ ဆရာ့ဝတ်စုံပုခုံးမှာ ဘာရွှေရောင်တွေမှ မရှိဘူး။ တပည့်တွေရဲ့ ရွှေရောင်အနာဂတ်တွေကို အမြင့်ဆုံးရောက်အောင် ပုခုံးနဲ့ထမ်းတင်တာပဲရှိတယ်။ ဒါတွေကြောင့် ဆရာ့ဝတ်စုံလေးဟာ ဆရာ့ရဲ့ မြတ်နိုးခြင်းတည်ရာပါပဲ ကွယ်"
...................................................
ဆရာ့ကို ရိုသေစွာကန်တော့ပြီး ပြန်လာခဲ့ပါသည်။ အပြန်လမ်းတစ်လျှောက်တွင် ဆရာ့စကားသံတွေက နားထဲဝေ့၀ဲကြားယောင်နေပါ၏။ တွေးစရာအတွေးများကလည်း လွင့်လွင့်ပျံနေသည်။ မျက်စေ့ထဲတွင် မြင်ယောင်နေသော ဆရာ့ဝတ်စုံလေးမှာ တောက်ပလွန်းနေသည် ထင်မိ၏။ အညတြ၀တ်စုံလေးပင်ဖြစ်သော်လည် ရွှေရောင်တ၀င်းဝင်း၊ တံဆိပ်တပြာင်ပြောင်၊ ဂုဏ်သိန်တဖိတ်ဖိတ်၊ ၀တ်စုံများထက် အဆပေါင်းများစွာတင့်တယ်နေပါတော့သည်။ အော်...ဒါကြောင့်လည်း သည်ဝတ်စုံတွေကို အလွယ်တကူချွတ်၊ အလွယ်တကူမေ့ ပစ်လိုက်ကြသည်မှာ အဆန်းတော့ မဟုတ်ပါပေတကား.....။
ကျေးဇူးရှင်၊ အနန္တဂိုဏ်းဝင် သင်ဆရာ၊ မြင်ဆရာ၊ ကြားဆရာများ၏ ဂုဏ်ကျေးဇူးကို ရိုသေစွာ ပူဇော်ကန်တော့ပါ၏။
"ခန့်ညီဖေ"
26-July-2012, Thursday. 10:45 A:M
No comments:
Post a Comment