အသက်ရှူချောင်မဲ့ အနာဂတ်အတွက်

by Aung Moe Win on Thursday, July 26, 2012 at 10:58am ·

စီးပွားရေးပိတ်ဆို့အရေးယူမှုဟာ တိုင်းပြည်ခေါင်းဆောင်တွေကို ထိခိုက်သလား၊ ပြည်သူလူထုကို ထိခိုက်သလား ငြင်းခုန်ဆွေးနွေးနေခြင်းထက် အစိုးရတရပ်ဟာ  နိုင်ငံတကာဆီက ရတဲ့အကူအညီတွေကို ပြည်သူတွေအတွက် ထိထိရောက်ရောက် ကူညီပံ့ပိုးပေးနေသလား၊ လက်တဆုပ်စာ ခရိုနီတွေရဲ့ စီးပွားရေးတွေကို အကာအကွယ်ပေးနေသလား ဆိုတဲ့ မေးခွန်းက အဓိက ကျနေပါတယ်။ ဥရောပနိုင်ငံတွေဆီက သင်ခန်းစာတွေကို လေ့လာကြည့်ကြရအောင်ပါ။ ဒီတပတ်မှတော့ စပိန်နိုင်ငံရဲ့ အကြပ်အတည်းတွေကို တင်ပြထားပါတယ်။  
လွတ်လပ်တဲ့အာရှအသံရဲ့ ဂျူလိုင် (၂၄) ရက် အင်္ဂါနေ့ညပိုင်းအစီအစဉ်မှာတင်ဆက်ခဲ့တဲ့ဆောင်းပါးလေးပါ။

သောတရှင်များခင်ဗျား
ဥရောပ ငွေကြေးအကြပ်အတည်းပြဿနာဟာ မီးတောက်နံရံတွေကြားမှာ လူးလွန့်နေတဲ့ ဒုက္ခတွေလိုမျိုး၊ ကူးစက်လောင်မြိုက်လို့ နေပါတယ်။ ၂၀၀၉ ခုနှစ်ကတည်းက စီးပွားရေးဆုတ်ယုတ်ရပ်ဆိုင်းမှုတွေနဲ့ ကြုံတွေ့နေရတဲ့ ဂရိစ်နိုင်ငံဟာ ဥရောပသမဂ္ဂဆီက ဘီလျှံပေါင်း ရာချီပြီး အကူအညီရခဲ့ပေမဲ့ အခက်အခဲတွေကြားမှ ပြန်လည်ရုန်းထနိုင်စွမ်းမရှိခဲ့ပါဘူး။ ၂၀၁၀ နိုဝင်ဘာလမှာ အိုင်ယာလန်နိုင်ငံ နဲ့ ပေါ်တူကီနိုင်ငံတို့ဟာလည်း အိမ်အရောင်းအဝယ်လုပ်ငန်းတွေ အကြီးအကျယ် ပြဿနာတက် ထိုးဆင်းသွားတဲ့အတွက် ယူရိုဘီလျှံငွေ ၆၇ ဘီလျှံ နဲ့ ၇၈ ဘီလျှံကျော်အသီးအသီး အကူအညီရခဲ့ကြပါတယ်။ ဒါပေမဲ့ သိတ်မကြာခင်မှာပဲ အဲ့ဒီနိုင်ငံရဲ့ အစိုးရတွေ ပြုတ်ကျခဲ့ရပါတယ်။ ဥရောပသမဂ္ဂရဲ့ အခွန်ဆိုင်ရာတိုးမြင့် ကောက်ခံမှု၊ အစိုးရအသုံးစရိတ် နဲ့ လုပ်အားခလျော့ချမှု မူဝါဒတွေဟာ တိုင်းပြည်တွေရဲ့ စီးပွားရေးကျဆင်းရပ်ဆိုင်းမှုတွေကို မိုမိုတွန်းအားပေးနေသလို ဖြစ်နေတယ် လို့ သုံးသပ်နေကြသူတွေလည်း ရှိနေပါတယ်။ သေချာတာတခုကတော့ စီးပွားရေးပြဿနာတွေက နိုင်ငံရေးမူဝါဒတွေကို တိုက်ရိုက်ရိုက်ခပ်လာခဲ့ပါပြီ။ ပြင်သစ်နိုင်ငံမှာဆိုရင် ကွန်ဆာဗေးတစ်  ခေါင်းဆောင် နီကိုလတ် ဆာကိုဇီ ကို ဖြုတ်ချပစ်လိုက်ပြီး ဆိုရှယ်လစ်ခေါင်းဆောင်တဦးကို တင်မြှောက်လိုက်ကြသလို၊ ဂရိနိုင်ငံမှာ အမြဲတမ်းလွှမ်းမိုးအနိုင်ယူလေ့ရှိတဲ့ ပါတီကြီးနှစ်ခုရဲ့ မဲတဝက်ဟာ တခြားပါတီတွေထံ ကူးပြောင်းသွားခဲ့ပါတယ်။ တိုင်းပြည်အသီးသီးမှာ လက်ဝဲ၊ လက်ယာ နိုင်ငံရေးအစွန်းရောက်သမားတွေရဲ့ အသံတွေကလည်း လျှံတက်လာခဲ့ပါတယ်။ ဒီအထဲက စပိန်နိုင်ငံမှာ ဖြစ်ပျက်နေတဲ့ စီးပွားရေးနိုင်ငံရေးပြဿနာတချို့ကို လေ့လာကြည့်ကြရအောင်ပါ။

“ စပိန်နိုင်ငံရဲ့ အိမ်အရောင်းအဝယ်လုပ်ငန်းတွေဟာလည်း ကြောက်စရာကောင်းလောက်အောင် ထိုးဆင်းသွားခဲ့တယ်။ အလုပ်လက်မဲ့နှုန်းဟာ ၂၄ % ထိရောက်ရှိလာပြီတယ်။ ဥရောပ သမဂ္ဂခေါင်းဆောင်တွေအတွက်တော့ စပိန်နဲ့ အီတလီနိုင်ငံတွေကို ဂရိ နဲ့ ပေါ်တူကီနိုင်ငံတွေမှာ ကြုံတွေ့ခဲ့သလိုမျိုး မကြုံတွေ့ဖို့လိုတယ် ဆိုတဲ့ ဆုံးဖြတ်ချက်နဲ့အတူ စီးပွားရေးပြန်လည်ဦးမော့လာမဲ့ ကယ်ဆယ်ရေးလုပ်ငန်းတွေကို စတင်ဖို့အတွက် ယူရိုငွေ ၁၂၅ ဘီလျှံ ထုတ်ချေးခဲ့တယ်”

စပိန်နိုင်ငံရဲ့ကွန်ဆာဗေးတစ်အစိုးရဝန်ကြီးချုပ် “မာရီယာနို ရာဂျိုင်” ကတော့ သူ့ရဲ့ နိုင်ငံဟာ ဂရိ နဲ့ ပေါ်တူကီနိုင်ငံတွေလို ကြုံတွေ့နိုင်တယ်ဆိုတဲ့ ကောက်ချက်တွေ၊ အကြံပေးမှုတွေကို ခါးခါးသီးသီး ငြင်းဆိုခဲ့ပါတယ်။ သူ့ရဲ့ နိုင်ငံမှာ ဂရိနိုင်ငံရဲ့ ပါလီမန်အဆောက်အဦရှေ့မှာ အသက် (၇၇) နှစ်အရွယ်အဖိုးအိုတယောက်က ကိုယ့်ဘာသာသတ်သေခဲ့သလိုမျိုးမဖြစ်ခဲ့သလို၊ ဥရောပငွေကြေးအဆောက်အဦဆီက ခွဲထွက်ဖို့ ဖိအားပေးခံရတဲ့ နိုင်ငံရေးအကြပ်အတည်းတွေ၊ ရွေးကောက်ပွဲတွေလိုမျိုး ကြုံတွေ့နိုင်မှာ မဟုတ်ဘူးလို့ ပြောဆိုခဲ့ပါတယ်။ မာရီယာနို ရာဂျိုင် ပြောခဲ့သလိုပါပဲ။ စပိန်နိုင်ငံမှာ အဓိက သမဂ္ဂကြီး နှစ်ခုမှ ဦးဆောင်ပြီး ကွန်ဆာဗေးတစ်အစိုးကို ဆန့်ကျင်ခဲ့တဲ့ တရက်ကြာအထွေထွေသပိတ်ဆင်နွဲမှုနဲ့ မငြိမ်သက်မှုအနည်းအကျဉ်းကလွဲ လို့  ဂရိနိုင်ငံမှာဖြစ်ပွားခဲ့သလိုမျိုး လူမှုရေးအဓိကရုဏ်းတွေကို မကြုံတွေ့ခဲ့ရပါဘူး။

ဒါပေမဲ့ စပိန်နိုင်ငံရဲ့ လူဦးရေ ငါးသန်းကျော်ဟာ အလုပ်လက်မဲ့ဖြစ်နေပြီး အဲ့ဒီဒုက္ခတွေကို ခါးစီးခံနေရသူတွေအထဲမှာ လူငယ်တဝက်ကျော်ပါဝင်နေပါတယ်။ စပိန်ပြည်သူလူထုဟာ သူတို့ရဲ့ သည်းခံနိုင်မှုအတိုင်းအတာဟာ မျဉ်းတခုကို ကျော်လွန်သွားပြီ လို့ ယုံကြည်လိုက်ကြပါတယ်။ လွန်ခဲ့တဲ့ ရက်များအတွင်းကတော့ စပိန်နိုင်ငံရဲ့ နိုင်ငံရေးရာသီဥတုဟာ တမူထူးခြားလာခဲ့ပါတယ်။ ထောင်ချီနေတဲ့ သတ္တုတွင်းအလုပ်သမားတွေဟာ စပိန်နိုင်ငံရဲ့ မြောက်ပိုင်းဒေသတွေဆီကနေ မဲဒရစ်မြို့ရဲ့ လမ်းမတွေပေါ်ကို ရောက်ရှိလာခဲ့ကြပါတယ်။ ကျောက်မီးသွေးလုပ်ငန်းတွေမှာ လျာထားတဲ့ ချေးငွေ ယူရိုသန်းပေါင်း ၃၀၁ သန်းမှ ၁၁၁ သန်းထိလျော့ချပစ်ဖို့ ဆုံးဖြတ်လိုက်တဲ့ကွန်ဆာဗေးတစ်အစိုးရရဲ့ ပေါ်လစီတွေကို ဆန့်ကျင်ဆန္ဒပြဖို့အတွက် ချီတက်လာကြခြင်းလည်းဖြစ်ပါတယ်။ အလုပ်သမားသမဂ္ဂတွေကတော့ စပိန်အစိုးရရဲ့ ပေါ်လစီသစ်ဟာ အလုပ်ပေါင်း သုံးသောင်းကျော် ချုပ်ငြိမ်းပျောက်ကွယ်စေမဲ့ အစီအစဉ်ဖြစ်တယ်၊ အလုပ်သမားတွေရဲ့ အနာဂတ်ကို သတ်ပစ်မဲ့ အရာဖြစ်တယ် လို့ စောတကတက်ကြပါတယ်။

အာဏာပိုင်တွေက စက်မှုဝန်ကြီးဋ္ဌာနဆီကို ချီတက်လာတဲ့ ဆန္ဒပြလူအုပ်ကို ရာဘာကျည်ဆံ နဲ့ ပစ်ခပ်ဖြိုခွဲခဲ့သလို ဆန္ဒပြသူ ရာပေါင်းများစွာကို ဖမ်းဆီးခဲ့ပါတယ်။ ဆန္ဒပြသူတွေကလည်း အစိုးရရဲ့ဖြိုခွဲမှုကြောင့် သွေးရွဲရွဲစိုနေတဲ့ အမျိုးသမီးတယောက်ရဲ့ ဓါတ်ပုံကို ရိုက်နှိပ်ထုတ်ဝေ လိုက်တဲ့အခါမှာတော့ ပြည်သူလူထုဟာ မက်ဒရစ်မြို့ရဲ့လှုပ်ရှားမှုတွေထဲကို ပိုမိုလေးနက်စွာ ပါဝင်လာခဲ့ကြပါတော့တယ်။

တကယ်တော့ စပိန်နိုင်ငံမှာ အနာဂတ်အတွက် စိုးရိမ်မှုတွေက အလုပ်သမားသမဂ္ဂတွေကြားမှာတင်  ရှိနေတာမဟုတ်ပါဘူး။ အစိုးရဝန်ထမ်းတွေအားလုံးနီးပါးဟာလည်း စားမဝင်အိပ်မပျော် ဖြစ်နေကြပါတယ်။ ပြည်သူ့ဆေးရုံ၊ အစိုးရဝန်ကြီးဋ္ဌာနတွေ နဲ့ သယ်ယူပို့ဆောင်ရေးလုပ်ငန်းတွေ အားလုံးဟာ အစိုးရရဲ့ ဝန်ထမ်းလျော့ချရေးမူဝါဒတွေကြောင့် ဘယ်အချိန်မှာ အလုပ်ပြုတ်ကြမလဲ ဆိုတဲ့ စိုးရိမ်သောကတွေက လူတိုင်းဆီမှာ ခိုတွယ်နေပါတယ်။

 “ ကွန်ဆာဗေးတစ် အစိုးရတက်လာပြီး ရက်ပေါင်း ၁၀၀ အတွင်းမှာ ပြုပြင်ပြောင်းလဲရေး လုပ်ငန်းတွေကို အရှိန်အဟုန်နဲ့ စတင်ခဲ့တယ်။ ဒါပေမဲ့ အစိုးရသစ် ရာဂျိုင် ရဲ့ ပြုပြင်ပြောင်းလဲရေး ဆိုတာ လူမှုဖူလုံရေးအတွက် လျာထားတဲ့ငွေတွေ၊ အစိုးရအသုံးစရိတ်တွေကို လျော့ချပစ်လိုက်တာ ဖြစ်တယ်။ သမဂ္ဂတွေရဲ့ အခန်းကဏ္ဍ ကို မှေးမိန်သွားအောင်လုပ်ပစ်တာ ဖြစ်တယ်။    “ပေါင်မှုန့်မရှိပဲနဲ့ ငြိမ်းချမ်းရေးမရနိုင်” “ တရားမျှတမှု” “ အစိုးရရဲ့ အသုံးစရိတ်လျော့ချရေး - အလိုမရှိ” ဆိုတဲ့ ကြွေးကြော်သံတွေဟာ ကျနော်တို့ လှုပ်ရှားမှုရဲ့ အဓိက ကြွေးကြော်သံတွေဖြစ်လာခဲ့တယ်။

သောတရှင်များခင်ဗျား
ဥရောပနိုင်ငံတွေဖြစ်တဲ့ ဂရိ၊ အိုင်ယာလန်၊ ပေါ်တူကီ၊ စပိန် နိုင်ငံတွေဟာ ဥရောပသမဂ္ဂရဲ့ စီးပွားရေးပြည်လည်ဦးမော့ရေး အရေးပေါ်ကယ်ဆယ်မှု ငွေကြေးအကူအညီတွေကို ဘီလျှံ နဲ့ ချီပြီး ရရှိခဲ့ကြပါတယ်။ ဒါပေမဲ့ တဘက်မှာတော့ အစိုးရမူဝါဒတွေဟာ အလုပ်လက်မဲ့နှုန်းတွေကို ပိုမိုမြင့်တက်လာအောင်ဖန်တီးပေးသလို ဖြစ်ခဲ့ပြန်ပါတယ်။ နိုင်ငံခြားက ထောက်ပံ့ကူညီတဲ့ ငွေတွေအားလုံးဟာ လက်တဆုပ်စာ စီးပွားရေးလုပ်ငန်းရှင်တွေအတွက် အကျိုးဖြစ်ထွန်းခဲ့တာလား၊ ပြည်သူလူထုအတွက် အကူအညီတကယ်ဖြစ်ခဲ့ရဲ့လား ဆိုတဲ့မေးခွန်းတွေကလည်း တည်ရှိနေပါတယ်။  ဥရောပ ဗဟိုဘဏ်ရဲ့ လေ့လာသုံးသပ်ချက်  တခုမှာတော့ တိုင်းပြည်တခုဟာ သူ့ရဲ့ပြည်တွင်းက နိုင်ငံရေးပြဿနာတွေကို မဖြေရှင်းနိုင်ရင် စီးပွားရေးအကူအညီတွေ အားလုံးဟာ အရာထင်မှာမဟုတ်ဘူး လို့ ဆိုပါတယ်။ ဒီကောက်ချက်ဟာ ကျနော်တို့မြန်မာနိုင်ငံကြုံတွေ့နေရတဲ့အခြေအနေကို တိုက်ရိုက်သတိပေးသလိုမျိုးဖြစ်နေပါတယ်။
 စီးပွားရေးအရပိတ်ဆို့အရေးယူမှုဟာ ပြည်သူလူထုကိုထိသလား၊ အုပ်စိုးသူလူတန်းစားကို ထိသလား ငြင်းခုန်နေခြင်းထက်၊ နိုင်ငံရေးပြဿနာအားလုံးကို ကိုယ့်အချင်းချင်းဖြေရှင်းညှိနှိုင်းနိုင်မှာသာ ပြည်သူအားလုံးအတွက် အသက်ရှုချောင်မဲ့အနာဂတ်တခုကို ရရှိကြမှာဖြစ်ပါတယ်။


သောတရှင် မြန်မာပြည်သူတွေအားလုံးလည်း ဆယ်စုနှစ်ပေါင်းများစွာ ကြုံတွေ့ခံစားနေရတဲ့ နိုင်ငံရေးအကြပ်အတည်းတွေနဲ့ စီးပွားရေးချွတ်ခြုံကျမှုဒုက္ခတွေမှ လွတ်မြောက်နိုင်ကြပါစေ။

အောင်မိုးဝင်း