Saturday, June 30, 2012

ယတြာဆရာ နဲ့ ဗလာချာ





Aung Pan's Photos

"နိုင်ငံတော်၏အမည်ကို ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေတွင် သတ်မှတ်ပြဌာန်း ထားသည့်အတိုင်း ရေးသား၊ ပြောဆို အသုံးပြုရေး အမျိုးသားဒီမိုကရေစီအဖွဲ့ချုပ်ပါတီသို့ အသိပေးအကြောင်းကြားထားခြင်း သတင်းထုတ်ပြန်ချက်"




                            ယတြာဆရာ နဲဗလာချာ

                            ဒေါ်စုရဲ့နိုင်ငံခြားခရီး
                            ဘယ်ကလောက်ပင်ထိန်ထိန်ညီး
                            လက်ရှိအစိုးရကတော့ အထင်မကြီး
                            ပုတ်ခတ်ပြီးပင် မလိုမုန်းထား
                            စကားလုံးအမှားကိုပင် ရှုံ့ချသွား
                            Burma (ဘားမား)ဆိုတာ အလွဲအမှား
                            ဖွဲ့စည်းပုံထဲမှာ Myanmar လို့ပြင်ထား
                            ဤအတိုင်းသာပြောဆိုရေးသား
                            ၀မ်နင်(Warning)ပင်ပေးလို့ အကြောင်းကြား…။


                            ကြောင်ကိုခွေးလို့ခေါ်ခေါ်
                            တိုင်းပြည်နဲ့လူမျိုးအပေါ်
                            မတော်မတရား မစော်ကားနဲ့
                            စေတနာတွေထား မေတ္တာတွေပွားပြီး
                            အများအကျိုးပွားအောင်လုပ်ဆောင်ပါလား
                            အဲဒီခါများ Burma မခေါ်ဘဲ
                            Myanmar ပြောင်းခေါ်လည်း
                            ခေါ်ကြမှာပဲ…။

                            ခုတော့ တလွဲဆံပင်ကောင်း            
                            ပြောင်း ပြောင်း ပြောင်း
                            တိုင်းပြည်ကောင်းအောင်သူမပြောင်း
                            အလံကိုသာ နှစ်ခါပြောင်း
                            ယတြာအရပြောင်းရပါကြောင်း…။

                            ကောင်း ကောင်း ကောင်း
                            ပြည်သူတွေကောင်းအောင် လမ်းမကျောင်း
                            ကိုယ်မောင်းချင်သလိုသာ အရမ်းမောင်း…။

                            အကောင်းမရှိတဲ့ မှူးကြီးခမျာ
                            ကိုယ့်ကိုယ်ကိုယ်တော့ သိတတ်ရှာ
                            ဘို့တဘို့ထဲရှိတဲ့နွားကြီးပမာ…။

                            ဗေဒင်ဆရာနဲ့ အခါခါတွေ့
                            အရာရာတိုင်းကို ယတြာချေပါပေ့
                            ယမကာနံ့လို တငွေ့ငွေ့
                            လောကကြီးကို သူတကယ်မေ့…။

                            အခက်အခဲ တွေ့တဲ့အခါ
                            ယတြာကိုသာ အားကိုးရှာ
                            အရာရာမှာ အမြော်မြင်မှား
                            ယတြာနဲ့သာ သူပျော်ပါး

                            ဤလိုလူစား သဘောထား
                            ပြည်သူကိုလည်းအသိမပေးအား
                            ရူးများရူးမနေ  ပေဘူးလား…။

                            အရူးအမူးတွေအမိန့်ပေးတာ
                            စစ်ခွေးတွေ လိုက်နာ
                            လိုက်နာသူ သူလိုလူစား
                            အရူးနိုင်ငံသား  ဖြစ်လို့သွား…။

                            အရူးနိုင်ငံသားမဖြစ်လိုသူ
                            ကောင်းတဲ့မူကိုယူ
                            လူသာလျှင်အဓိက
                            ယတြာနည်းတွေ ပယ်လိုက်ကြ…။

                            တက္ကသိုလ်ဘုန်းကြွယ် (ဇွန် ၂၈ ၂၀၁၂)

No comments:

Post a Comment